Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 72: Tata Diosï jarhuatasïndi Esekiasini

Uandantskua 72: Tata Diosï jarhuatasïndi Esekiasini

¿MÍTISKIRI andisï i achaati kómarhini jaki Jeobani? ¿Andisï altarirhu orhepatini jatsia inde karakatechani? I Esekiasisti. Ka juramukuasïndi tsimani tribu Israeli anapuechani engaksï suri jaka. Ka kʼérati uandanhiatechani jatsiasti. ¿Mítiskiri andi?

Juramuti Esekiasi kómarhikua ma úxati

Jimboka Asiria anapu ejersitu kʼamajkuaskia 10 tribu norti anapuechani. Jeoba jurajkusti eska ísï úkuarhipiringa jimbokaksï kánikua no sési úrispka. Ka iásï Asiriaeri ejersitu uékasïndi uarhiperani tsimani tribuechani jingoni.

Juramuti Asiria anapu, karakatechani axakuasti juramuti Esekiasini. Ka i karakatecha jindesti enga Esekiasi Tata Diosïri orhepatini jatsiaka. I karakatechani jimbo teresmarhusïndiksï Jeobani, ka arhisïndi Esekiasini eska no juuaka uarhipeni. Ísï jimbo, Esekiasi kómarhisïndi: ‘O Jeoba, jarhuatajtsïni juramuti asiriu jingoni. Jiájkani iámu nasionichaksï mítiati eskari tʼujku jindeska Tata Diosï’. ¿Jeoba kurhaajki i ambe?

Esekiasi ambakiti juramuti máesti. No ísïsti eska ima no sési úricha engaksï 10 tribu Israeli anapuechani juramukuajka, ka ni eska tátemba Akasi enga ístu no sési úripka. Inde méntkisï kurhajchasti Jeobaeri juramukuechani. Ísï jimbo, enga na kʼamakujkia kómarhikuani, profeta Isaiasi uandakua axakusïndi para arhini ambe enga uandaka Jeoba, ísï arhisïndi: ‘Asiria anapu juramuti no inchaati Jerusaleni, ka no ma imeri sondadu andaparakuati iretarhu. Nóksï ma flecha kʼuaniraati iretani’.

Exe ini dibujuni, ¿mítiskiri néskiksï i sondadu uarhiricha? Jeoba axasti imeri ánjilini, ka i ma chúrikua jimbo 185,000 sondadu asiriuechani uándikuasti. Jimbosï juramuti Asiria anapu sïpakuarhijti.

Sondadu asiriuechaksï uarhiri jarhasti

Juramukua tsimani tribueri no ma ambe úkuarhinchasïndi. Ka ireta sési irekasïndi ma tiempu. Peru enga Esekiasi uarhijkia, uájpa Manasesi juramusïndi. Manasesi ka ístu tátsekua uájpa Amoni, no ambakiti juramutichesïndiksï. Ka ísï jimbosï echerirhu xáni uinindejti uarhiperakua ka no sési jásï ambe. Engaksï imeri jántspiricha uándikujka Amonini, uájpa Josiasi juramukuasïndi tsimani tribuechani.

2 Reyes 18:1-36; 19:1-37; 21:1-25.



Kurhamarhikuecha

  • ¿Néski achati enga dibujurhu jaka, ka andisï uandanhiatechani jatsia?
  • ¿Esekiasi náki karakatechani jatsiaski Tata Diosïri orhepatini, ka ambe kurhakusïni kómarhikuarhu?
  • ¿Na jásï juramutiski Esekiasi, ka Jeoba ambe uandakua axakusïni profeta Isaiasini jingoni?
  • Eska na xarharajka dibujurhu, ¿Jeobaeri ánjili ambe úkuasïni asiriuechani?
  • Nájkiruka tsimani tribueri anapu juramukua pínandikua jingonksï irekajka ma tiempu, ¿ambe úkuarhisïni enga Esekiasi uarhijkia?

Máteru kurhamarhikuecha

  • Arhinta 2 Reyes 18:1-36.

    ¿Néna jámasïni Rabsake, uandakua pári asiriu, para chkerani israelitecheri jakajkukuani? (2 Rey. 18:19, 21; Éxo. 5:2; Sal. 64:3.)

    ¿Jeobaeri eianhpiricha nénaksï chúmasïni Esekiasiri ejempluni engaksï no sési kánhajka? (2 Rey. 18:36; Sal. 39:1; Pro. 26:4; 2 Tim. 2:24.)

  • Arhinta 2 Reyes 19:1-37.

    Jeobaeri ireta iásï anapu, ¿nénaksï májkueni úsïni eska Esekiasi engaksï no sési nitamakuarhini jarhajka? (2 Rey. 19:1, 2; Pro. 3:5, 6; Ebr. 10:24, 25; Sant. 5:14, 15.)

    ¿Senakeribi náki tanimu uarhiperakuechani tsïtaspi, ka néni arhikuekasïni para sánderu orhepatini? (2 Rey. 19:32, 35, 37; Jaŋ. 20:2, 3.)

  • Arhinta 2 Reyes 21:1-6, 16.

    ¿Andisï újki uandani ma eska Manasesi jindeska sánderu no sési jásï juramuti enga juramupka Jerusaleni? (2 Cró. 33:4-6, 9.)