Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 71: Jeoba paraisu ma eiatspesïndi

Uandantskua 71: Jeoba paraisu ma eiatspesïndi

ARI dibuju jamberi xarhatajti na jándespi paraisu enga Tata Diosï profeta Isaiasini exerapka. Isaiasi sánisï tátsekua irekasti eska Jonasi.

Kʼuiripuechaksï paraisurhu jarhasti

Paraisu arhikuekasïndi “sési jándikua” o “jardini”. ¿Ambe engari ixú exejka miátantasïnikini ambe ma? Jo, sési jándekuani enga Tata Diosï úpka para Adani ka Eba, ¿no ísïski? Peru, ¿ísï jándentaa iámu Parhakpinirhu?

Jeoba arhispti Isaiasini eska karapiringa na enga jándepiringa jimbanhi sési jándikua, para Tata Diosïri ireta. Arhisti: ‘Karichicha ka jiuatsïcha márkuksï irekati pínandikua jingoni. Beserru ka leoni sapiraticha márkuksï tʼireati ka tataka sapiratichaksï eranguauati. Ka no ma ambe úkuarhinchati ni charhaku ma enga jima chʼanaaka enga akuitsi ma jauaka’.

Uánikuechaksï uandaati: ‘Inde no méni ísï úkuarhiati’. ‘Iónisï no sési jánhaskuarhesti Echerirhu ka méntkisï no sési jánhaskuarheati.’ Peru eratsi, ¿na jándespi jima enga Tata Diosï Adani ka Ebani irerapka?

Tata Diosï ireraspti Adani ka Ebani sési jándekua ma jimbo. Peruksï no kurhajchasti Jeobani, ka tsïtastiksï sési jándekuani, tʼarhepistiksï ka uarhinksï. Tata Diosï aiakuasïndi imechani engaksï uékajka imani eska íntsauaka iámindu ambe enga Adani ka Ebaksï tsïtaka.

Imani sési jándekuarhu enga jauaka, no nema no sési ambe uáti ka ni no sési jántskani. Pínandikua jauati. No nema pʼamenchati ka iáminduechaksï sési pʼikuarherati ísï eska Tata Diosï na uékaenga uénakuarhu. Tátsekuachi jorhenguarhini jauaka néna uá Tata Diosï i ambe.

Isaías 11:6-9; Jaŋaskuecha 21:3, 4.



Kurhamarhikuecha

  • ¿Néspi Isaiasi, káni irekaspi, ka ambe xarhatakuspi Jeoba?
  • ¿Ambe arhikuekasïni paraisu, ka ambejtsïni miátantasïni?
  • ¿Jeoba ambe arhispi Isaiasini eska karapiringa jimbanhi Sési Jándikueri ambe?
  • ¿Adani ka Eba andiksïsï tsïta sési jándekuani?
  • ¿Ambe aiakuasïni Jeoba imechani engaksï uékajka imani?

Máteru kurhamarhikuecha

  • Arhinta Isaías 11:6-9.

    ¿Néna uandasïni Tata Diosïri Karakata eskaksï irekaka kʼuiripuecha animalichani jingoni jimbanhi parhakpinirhu? (Sal. 148:10, 13; Isa. 65:25; Eze. 34:25.)

    ¿Néna úkuarhixaki iásï Jeobaeri iretarhu ambe enga Isaiasi uandapka? (Rom. 12:2; Efe. 4:23, 24.)

    ¿Né kʼéri ambe exenhasïni jimbokaksï uánikua kʼuiripuecha nóteru májkueniskia iásï ka ístu jimbokaksï nóteru májkueniuakia jimbanhi parhakpinirhu? (Isa. 48:17, 18; Gal. 5:22, 23; Fili. 4:7.)

  • Arhinta Jaŋaskuecha 21:3, 4.

    Enga Biblia uandajka eska Tata Diosï kʼuiripuechani jingoni jauaka, ¿andisï no arhikuekajki eska ima juuaka ixú kʼuiripuechani jingoni irekani? (Lev. 26:11, 12; 2 Cró. 6:18; Isa. 66:1; Jaŋ. 21:2, 3, 22-24.)

    ¿Na jásï uekua ka uandanhiatecha nóteruksï jauaia? (Luk. 8:49-52; Rom. 8:21, 22; Jaŋ. 21:4.)