Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 59: Dabidi andisï sïpakuarhijki

Uandantskua 59: Dabidi andisï sïpakuarhijki

ENGA Dabidi uándikujkia Goliatini, Abneri enga juramukujka ejersitu Israeli anapuni pásïndi Dabidini Saulini jingoni. Sauli imeri kʼumanchikuarhu irerasïndi ka juramuti úsïndi ejersiturhu.

Engaksï sondaduecha uarhiperajkia filisteuechani jingoni ka engaksï kʼuanhatsintajkia, uarhitichaksï piresïndi: ‘Sauli mili jimbo uándikuasti peru Dabidi diesi mili jimbo’. Sauli úndasïndi enbidiarini Dabidini, jimbokaksï sánderu kʼéri ambe exesïnga. Peru Jonatani, Sauliri uájpa no májkuenisti eska tátemba. Ima uékasïndi Dabidini ka ístu Dabidi uékasïndi imani. Ísï jimbo, aiatsperasïndiksï eskaksï méntkisï sési pájperaka.

Juramuti Sauli, lansa ma kʼuanikuxati

Dabidi sési kústasïndi arpani, ka Sauli tsitisïndi na enga kústajka. Peru ma jurhiatikua xáni enbidia jimbo Sauli uékasïndi úkuni ambe ma Dabidini. Enga Dabidi kústani jarhajka arpani, Sauli jupikasïndi lansani ma ka kʼuanirasïndi, uandaparini: ‘¡Chánharhiteraka Dabidini!’. Peru Dabidi kéndikusïndi. Sánderu tátsekua, ménderu kʼuanirasïndi lansani peru ístu no pʼitarasïndi. Dabidi iásï kʼóru mítistia eska jatsiska para méntkisï jingontku jámani.

¿Miásïniri ambe aiatspespi Sauli? Ima uandaspti eska imeri uátsïni íntskupiringa imani enga uándikupiringa Goliatini. Jimbosï Sauli arhijti Dabidini eska uáka tembuni imeri uájpa Mikalini, peru orheta jatsisti para 100 filisteuechani uándikuani. ¡Eranhaska! Sauli uékasïndi eskaksï filisteuecha uándikuaka Dabidini. Peru no ísï úkuarhisïndi ka Sauli íntskusïndi uájpani para Dabidiri témbaeni.

Ma jurhiatikua, Sauli arhisïndi Jonatanini ka iámindu imeri jántspirichani eska uékasïnga uándikuni Dabidini. Peru Jonatani arhisïndi: ‘Asï ambe ma úku. Ima nókini ambe ma úchisti. Méntkisïkini jarhuatasti. Úpirindi tsïtani tsípikuani enga Goliatini uándikupka, ka tʼuri tsípispka engari exepka i ambe’.

Dabidi kéndikukuxati lansani

Sauli kurhajchasïndi imeri uájpani ka aiakusïndi eska no ma ambe úkuaka Dabidini. Juásïndiksï ménderu Dabidini ka ima ménderu marhuakusïndi Saulini. Peru ma jurhiatikua enga Dabidi kústani jarhajka, Sauli ménderu kʼuanirasïndi lansani. Dabidi kéndikusïndi ka lansa paredirhu chátakukuarhisïndi. ¡Ini jingoni tanimu ueltaestia! ¡Dabidi iásï kʼóru mítistia eska jatsiska para sïpakuarhini!

Ima chúrikua Dabidi níntasïndi chenemba, peru Sauli axaasïndi máru achatichani para niranksï uándikuni. Mikali mítisti ambe enga uékajka úni tátemba. Ka arhisïndi Dabidini: ‘Ni sïpakuarhini i chúrikua, jimbokari pauani uarhiri erandiaka’. Ka ima chúrikua Mikali jarhuatasïndi Dabidini bentanarhu ísï sïpakuarhini. Dabidi sáno siete uéxurhini jirikuarhikusïndi Saulini, ka jini ka jini jámasïndi irekani.

1 Samuel 17:55-58; 18:1-30; 19:1-18.



Kurhamarhikuecha

  • ¿Sauli andisï enbidiarijki Dabidini, peru uájpa Jonatani andisï no májkueni?
  • ¿Ambe úkuarhisïni ma jurhiatikua enga Dabidi arpa kústakuni jarhajka Saulini?
  • ¿Sauli ambe arhisïni Dabidini eska uáka ante de Mikalini tembuni, ka andisï ísï arhijki?
  • Eska na xarharajka dibujurhu, ¿ambe úkuarhisïni tanimu uelta enga Dabidi arpa kústani jarhajka?
  • ¿Mikali ambe úsïni para kuájchakuni Dabidini, ka ambe úsïni Dabidi siete uéxurhini?

Máteru kurhamarhikuecha

  • Arhinta 1 Samuel 18:1-30.

    Ambakiti uékperakua enga Jonatani xarhatakupka Dabidini, ¿néna xarhatasïreni na engaksï uékperapiringa “máteru karichicha” ka “namunitu karichicha”? (1 Sam. 18:1; Juanu 10:16; Luk. 12:32; Zac. 8:23.)

    Jimboka Jonatani juramupiringa Sauliri tátsekua, ¿néna xarhatasïni 1 Samuel 18:4 na enga kaxumbikua xarhatakupka imani enga erakunhapka para juramutini?

    ¿Néna xarhatasïni Sauliri ejemplu eska enbidia úsïnga eska nema no sési jásï pekadu ambe uáka, ka ambejtsïni jorhendasïni i uandantskua? (1 Sam. 18:7-9, 25; Sant. 3:14-16.)

  • Arhinta 1 Samuel 19:1-17.

    Enga Jonatani tekaapka arhinharhikuni Saulini, ¿andisï úpirini tsïtani tsípikuani? (1 Sam. 19:1, 4-6; Prov. 16:14.)

PARAJTSÏ SÁNDERU MÍTINI

MOVIES

Dabidi mintsikaspti Tata Diosïni

Dabidi uánikua uandanhiatechani jatsiaspti ka ménichanisï no úspti sési úni ambe ma, peru no méni jurajkuspti marhuakuni Tata Diosïni. Exe nénakini uá jarhuatani Dabidiri ejemplu parari méntkisï kurhajchani Jeobani.