Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 36: Beserru orueri

Uandantskua 36: Beserru orueri

¡AI, NO! ¿Iásï ambe úxaki kʼuiripu? ¡Beserrunksï ma kómarhixati! ¿Andiksïsï indeni ambe úni jaki?

Enga Moisesi uánikua jurhiatikua pakarajka juátarhu, ireta uandasïndi: ‘Nochi mítiska ambe úkuarhincha Moisesi. Ju je úkuarheni diosï ma engajtsïni ixú uératini petantaaka’.

Moisesi kʼuanikuasïndi tsimani tsakapu kórhatichani

Aroni, Moisesiri ermanuemba uandasïndi: ‘Sési jarhasti’. ‘Pʼiuanta je chári tirhindikua oruerichani, ka juáchiajtsïni je.’ Enga ireta újka ini ambe, Aroni tsïteraantasïndi ka úsïndi ma beserru orueri. Ka ireta uandasïndi: ‘¡I jindesti juchari Tata Diosï, engajtsïni Ejiptu uératini petantaka!’. Jiájkani kʼéri kʼuínchikuaksï ma úsïndi, ka kómarhisïndiksï beserru oruerini.

Enga Jeoba exejka i ambe, kánikua ikiasïndi. Ka arhisïndi Moisesini: ‘Ni kókuani, kétsintani. Ireta kánikua no sési jásï ambe úxati. Mirikurhistiksïa juchiti juramukuechani ka tinguixurhikuxatiksï beserru oruerini ma’.

Kʼuiripu kómarhixati beserru oruerini

Moisesi sóntku kétsintasïndi juátarhu uératini. Ka enga andarheraani jarhajkia, i ambe exesïndi. ¡Kʼuiripu pirekuxati beserruni ka uarhakuxati! Moisesi xáni ikiasïndi enga jamberi kʼuanikuajka tsimani tsakapu kórhatichani engaksï juramukuechani jukanharhiapka, ka íksï purhundurhikuarhintasïndi. Jiájkani, jupikasïndi beserruni ka tsïterantasïndi. Ka tʼupuri úntasïndi oruni.

Ireta kánikua no sési jásï ambe ústi. Jimbosï Moisesi arhiajti máru achatichani eskaksï jupikauaka espadechani. Ka uandasïndi: ‘No sési úricha engaksï kómarhika beserruni, jatsistiksï para uarhini’. ¡Ísï jimbo íksï achaticha 3,000 kʼuiripuechanksï uándikuasïndi! ¿No xarhatasïni i ambe eska uétarhisïnga jingontku jámani para Jeobantku kómarhini ka no diosï no jurhimbitichani?

Éxodo 32:1-35.



Kurhamarhikuecha

  • ¿Ambe úxaki kʼuiripu dibujurhu, ka andi?
  • ¿Andisï ikiani jaki Jeoba, ka ambe úsïni Moisesi enga exejka ambe enga úni jarhajka kʼuiripu?
  • ¿Ambe arhiasïni Moisesi máru achatichani eskaksï uáka?
  • ¿Ambejtsïni jorhendasïni i uandantskua?

Máteru kurhamarhikuecha

  • Arhinta Éxodo 32:1-35.

    ¿Nénajtsïni xarhatachisïni i uandantskua ambe enga eratsijka Jeoba engachi jámaaka religioni jurhimbitini jingoni ka religioni no jurhimbitini jingoni? (Éxo. 32:4-6, 10; 1 Kor. 10:7, 11.)

    ¿Ambeksï jatsiski para eratsintani kristianuecha engaksï erakuani jámaka tsípekuarhitechani, komueska pirekuechani ka uarhakuani? (Éxo. 32:18, 19; Efe. 5:15, 16; 1 Juanu 2:15-17.)

    ¿Néna íntspeski ambakiti ejemplu ma Lebiri tribu, engaksï kuájchakupka jurhimbikuani? (Éxo. 32:25-28; Sal. 18:25.)