Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 50: Tsimani uarhiticha engaksï no chéjka

Uandantskua 50: Tsimani uarhiticha engaksï no chéjka

ENGAKSÏ iásï israelitecha uandanhiatechani jatsiajka, kómarhisïndiksï Jeobani. Ima mókukuantasïndi, ka íntsaasïndi orhejtsïkutichani engaksï no sáni chéjka paraksï jarhuaatani. Biblia, íchani arhiasïndi juesicha. Josue jindespti orheta juesi, ka máteru juesicha engaksï niárapka jarhani tátsekua, jindesptiksï: Otnieli, Eúdi ka Samgari. Peru tsimani kʼuiripuecha engaksï jarhuatapka Israelini, jindesptiksï uarhiticha ka íksï arhinhasïrendi Débora ka Jaeli.

Débora, Baraki jingoni uandontskuarhixati

Débora profetisa máesti. Jeoba eiangusïndi ambe enga úkuarheaka sánderu orhepatini, ka Débora eianguasïndi iámu kʼuiripuechani ambe enga Jeoba uandajka. Débora ístu juesisti. Débora palma ma jimbo uaxandukusïndi juátarhu, ka kʼuiripuechaksï jurhasïndi andarherani para jarhuataani uandanhiatechani jingoni.

Ini jurhiatikuechani jimbo Jabini juramutisti Kanaani. Ka 900 karretechani jatsiasti para nirani uarhipeni. Xáni uinhapisti Jabiniri ejersitu engaksï jamberi uánikua israelitechanksï paapkia paraksï imechani jingonini. Ka Sísara juramukuasïndi Jabiniri sondaduechani.

Ma jurhiatikua, Débora uandajpasïndi juesi Barakini, ka arhisïndi: ‘Jeoba uandasti: “Jupia 10,000 achatichani ka paa Tabori juátarhu. Ji uáka eska Sísara jimesïsï juuaka. Ka uáka eskari andaaka imani, ka imeri ejersituni”.ʼ

Baraki arhisïndi Déborani: ‘Niuaka engari tʼu niraska jíndini jingoniʼ. Débora nirasïndi, peru arhisïndi Barakini: ‘Nori kʼéri ambe exenhaka indeni uarhiperakuani jimbo, jimboka Jeoba uáka, eska Sísara uándikunhaka uarhiti ma jimboʼ. Ka i ambe úkuarhisïndi.

Baraki kétsisïndi Tabori juátarhu uératini para Sísaraeri sondaduechani kúmaani. Repentku, Jeoba úsïndi eska kʼéri ma iorhekua juuaka ka uánikua sondaduechaksï jima uarhimisïndi. Sísara kétsisïndi imeri karretarhu ka sïpakuarhisïndi.

Baraki, Jaeli ka Sísara

Sísara niárasïndi nani enga Jaeli irekaka. Jaeli incharasïndi imeri kʼumanchikuarhu ka lechi sáni íntskusïndi. Lechi kʼuínchatarasïndi ka sóntku kʼuírasïndi. Jiájkani Jaeli estaka ma jupikasïndi ka éjpurhu inchajtsïtasïndi. ¡Tátsekua, Baraki niárasïndi Jaeliri kʼumanchikuarhu, ka Jaeli exerasïndi eska Sísara uarhiri jarhaskia! Ambe enga Débora uandapka ísï úkuarhesti.

Tátsekua juramuti Jabini uándikunhasïndi, ka israelitechaksï sési irekasïndi ma tiempu.

Jueces 2:14-22; 4:1-24; 5:1-31.



Kurhamarhikuecha

  • ¿Néskiksï juesicha, ka náksï arhinhasïni máru?
  • ¿Ambe ambakiti sésikua jatsispi Débora, ka ambe úsïreni?
  • Enga juramuti Jabini ka sondaduecheri juramuti Sísara, uékajkaksï uarhiperani Israelini jingoni, ¿ambe arhisïni Débora juesi Barakini eska uandaska Jeoba, ka néni uandasïni eska kʼéri ambe exenhaka?
  • ¿Néna xarhatasïni Jaeli eska no chésïrenga?
  • ¿Ambe úkuarhispi tátsekua enga uarhipkia juramuti Jabini?

Máteru kurhamarhikuecha

  • Arhinta Jueces 2:14-22.

    ¿Andisï Jeoba ikiapi israelitechani jingoni, ka ambejtsïni jorhendasïni i ambe? (Jue. 2:20; Pro. 3:1, 2; Eze. 18:21-23.)

  • Arhinta Jueces 4:1-24.

    Iásï anapu kristianecha, ¿ambeksï uá jorhenguarhini Débora ka Jaeliri jakajkukueri ka engaksï ísï no chéanga? (Jue. 4:4, 8, 9, 14, 21, 22; Pro. 31:30; 1 Kor. 16:13.)

  • Arhinta Jueces 5:1-31.

    Májkueni eska Baraki ka Débora engaksï pirekupka Jeobani jimbokaksï andaspka uarhiperakuani, ¿ambechi uá kurhajkuarhini kómarhikuecharhu para jiáni enga juuaka Armagedoni? (Jue. 5:3, 31; 1 Cró. 16:8-10; Jaŋ. 7:9, 10; 16:16; 19:19-21.)