Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 49: Jurhiata anhaxurhisïndi

Uandantskua 49: Jurhiata anhaxurhisïndi

EXE Josueni. Uandaxati: ‘¡Jurhiata, asï manakuarhi!ʼ. Ka Jurhiata anhaxurhisïndi. Jurhiata ma jurhiatikua pakarasïndi anhaxurhitini auandarhu. ¡Jeoba úsïndi eska i ambe úkuarheaka! Peru ju exeni andisï Josue uékajki eska útasï tsandini jauaka.

Jurhiata

Engaksï iúmu juramuti no sési úri Kanaani anapuecha, uénajka gabaonitechani jingoni uarhiperani, gabaonitecha achatinksï ma axasïndi paraka niuaka Josueni jarhuajperata kurhakuni. Inde achati uandasïndi: ‘¡Ju kókuani juchantsïni jingoni!ʼ. ‘¡Kuájpintajtsïni! Iámindu inde juramuticha engaksï jini juátarhu ísï irekaka ataaxatiksï chíti jántspirichani.ʼ

Josue ka iámu imeri sondaduechaksï jirejiresï nirasïndi. Ma chúrikua xanharasïndiksï. Engaksï niárajkia Gabaoni, iúmu juramuticheri sondaduecha, chésïndiksï ka uénasïndiksï sïpakuarhini. Jiájkani Jeoba úsïndi eska kʼéri xanuata uekorhiaka enga xárhapka eska tsakapuecha, ka sánderuksï uáni sondaduecha uarhisïndi xanuata jimbo ka eska Josueri sondaduechani jimbo.

Josue

Josue exesïndi eska Jurhiata inchaakia. Pʼapjandiatia, ka uánikua sondaduecha iúmu juramuti no sési úricheri sïpakuarhiatiksï. Ísï jimbo, Josue kómarhisïndi Jeobani ka uandasïndi: ‘¡Jurhiata, asï manakuarhi!ʼ. Ka jimboka útasï tsandini jarhasïnga, israelitechaksï úsïndi andani uarhiperakuani.

Jarhastiksï Kanaani uánikua máteru juramuti no sési úricha engaksï ikiakujka Tata Diosïri iretani. Josue ka imeri sondaduecha seisi uéxurhini ísïksï pásïndi paraksï úni kʼamajkuani 31 juramutichani imani paisini jimbo. Engaksï újkia i ambe, Josue arhukukuasïndi echerichani ima tribuechani engaksï uétarhinchajka nani irekani.

Uánikua uéxurhini nitamasïndi, ka Josue uarhisïndi enga 110 uéxurhini jatirijkia. Enga Josue ka imeri amiguembecha tsípitiksï jarhajka, kʼuiripu kurhajchasïndi Jeobani. Peru engaksï imecha uarhijkia, kʼuiripu no sési jásï ambe úsïndi ka uandanhiatechanksï jirinhakuarhiasïndi. Ka ménderuksï uétarhinchasïndi Tata Diosïri jarhuajperatani.

Josué 10:6-15; 12:7-24; 14:1-5; Jueces 2:8-13.



Kurhamarhikuecha

  • ¿Josue ambe uandaxaki dibujurhu, ka andi?
  • ¿Jeoba néna jarhuatasïni Josueni ka imeri sondaduechani?
  • ¿Josue, na xáni juramuti no sési úrichani andaasïni, ka namuni uéxurhini jimbo?
  • ¿Josue andisï arhukujki echeri Kanaani anapuni?
  • ¿Namuni uéxurhini jatiri uarhisïni Josue, ka ambe úsïni kʼuiripu tátsekua?

Máteru kurhamarhikuecha

  • Arhinta Josué 10:6-15.

    Enga Jeoba anhaxustapka Jurhiatani ka Lunani Israelini jimbo, ¿i, nénajtsïni jarhuatasïni parachi sánderu mintsikani Jeobani? (Jos. 10:8, 10, 12, 13; Sal. 18:3; Pro. 18:10.)

  • Arhinta Josué 12:7-24.

    Nájkiruka Josue ka imeri sondaduecha uarhipepka, ¿néspi enga andaapka 31 juramuti Kanaani anapuechani, ka andisï jukaparhakue iásï i ambe para jucha? (Jos. 12:7; 24:11-13; Deu. 31:8; Luk. 21:9, 25-28.)

  • Arhinta Josué 14:1-5.

    ¿Néna arhukunhaspi echeri para iámindu tribu Israeli anapuecha, ka i ambe, ambejtsïni jorhendasïni na enga echeri arhukunhaaka Sési Jándekuarhu? (Jos. 14:2; Isa. 65:21; Eze. 47:21-23; 1 Kor. 14:33.)

  • Arhinta Jueces 2:8-13.

    Májkueni eska Josue na úpka Israeli, ¿néskiksï engaksï iásï úni jaka eska no jauaka no sési jásï jorhenguarhikuecha? (Jue. 2:8, 10, 11; Mat. 24:45-47; 2 Tes. 2:3-6; Titu 1:7-9; Jaŋ. 1:1; 2:1, 2.)