Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 45: Parhikuxatiksï iorhekua Jordanini

Uandantskua 45: Parhikuxatiksï iorhekua Jordanini

¡EXE! ¡Israelitechaksï parhikuxati iorhekua Jordanini! Peru, ¿nani niraski itsï? Jimboka imani jurhiatikuechani jimbo kánikua janisïnga, sánititu antesi kánikua itsï iorhexapti. ¡Peru iásï nóteru iorhexatia! ¡Ka israelitechaksï parhikuxati kʼarhindekuarhu, ísï eskaksï na úpka mari Charhapitirhu! ¿Nani niraski iámu itsï? Ju exeni.

Israelitechaksï parhikuxati iorhekua Jordanini

Enga niárapkia jurhiatikua parakaksï israelitecha parhikupiringa iorhekua Jordanini, Jeoba úspti eska Josue i ambe arhipiringa iretani: ‘Saserdotichaksï jatsisti para arka pakatperakuerini juchari orhepatinksï páni. Ka engaksï inde atastaaka iorhekua Jordanirhu, itsï anhaxurhiati’.

Ísï jimbo, saserdotichaksï tarhatasïndi arka pakatperakuerini ka orhekuapasïndiksï iáminduechani. Engaksï niárajka Jordanirhu, saserdotichaksï inchamisïndi itsïrhu. Iorhekua uinhamu niraxati ka jauamesti. ¡Peru engaksï imecha na atastajka itsïrhu, itsï sóntku úndasïndi anhaxurhini! ¡Milagru máesti! ¡Iorhekua kʼarhisti! Jeoba pʼínguxati itsïni.

Saserdoticha engaksï páni japka arka pakatperakuerini, niárasïndiksï iorhekuarhu terojkani jima enga kʼarindeka. ¿Exeasïniri íchani dibujurhu? ¡Engaksï ícha jima jarhajkia, iámindu israelitechaksï uénasïndi parhikuni Jordanirhu echeri kʼarhindekua jimbo!

Engaksï iámindu parhikujkia, Jeoba úsïndi eska Josue arhiauaka iásï 12 achati uinhapitichani: ‘Cha, ni je iorhekuarhu jima engaksï ima saserdoticha jaka arka pakatperakuerini jingoni. Tarhatauakajtsï 12 tsakapuechani, ka jimajtsï jatsiauaka nani engajtsï pakaraka i chúrekua. Ísï sánderu orhepatini, engaksïni chári uájpecha kurhamarhiaka ambeksï arhikuekasïni inde tsakapuecha, chajtsï arhiauaka eska ixú itsï anhaxurhispka jiájkani enga Tata Diosïri arka pakatperakueri parhikupka Jordanirhu. ¡Tsakapuechaksïni miátantati i milagruni!ʼ. Josuejtu 12 tsakapuechani tarhataasïndi, jima uératini engaksï saserdoticha japka iorhekuarhu.

Josue

Iásï, Josue ménderu arhiasïndi saserdotichani engaksï arka pakatperakuerini páni jaka: ‘Parhiku je Jordanini’. Engaksï ísï újkia, itsï ménderu uénasïndi iorheni.

Josué 3:1-17; 4:1-18.



Kurhamarhikuecha

  • ¿Ambe milagru úspi Jeoba parakaksï israelitecha úpiringa parhikuni iorhekua Jordanini?
  • ¿Ambeksï jatsispi para úni israelitecha paraksï xarhatani eskaksï jakajkusïrenga eskaksï úpiringa parhikuni iorhekua Jordanini?
  • ¿Andisï Jeoba arhipi Josueni eska tarhatapiringa dose tsakapu kʼératichani iorhekuarhu uératini?
  • ¿Ambe úkuarhesïni engaksï saserdoticha uémintajka Jordanirhu uératini?

Máteru kurhamarhikuecha

  • Arhinta Josué 3:1-17.

    ¿Nénajtsïni xarhatachisïni i uandantskua, ambe engachi jatsika para úni, parachi jatsini Jeobaeri jarhuajperata ka imeri kóntperatani? (Jos. 3:13, 15; Pro. 3:5; Sant. 2:22, 26.)

    ¿Néna jarhaspi iorhekua Jordani engaksï israelitecha parhikupka paraksï niárani Echerini jimbo engaksï aiaminhapka, ka i ambe néna kʼéri ambe úspi Jeobaeri arhinhakuani? (Jos. 3:15; 4:18; Sal. 66:5-7.)

  • Arhinta Josué 4:1-18.

    ¿Para ambeksï marhuapirini dose tsakapuecha engaksï Jordanirhu uératini tarhataapka ka engaksï Guilgali peerapka? (Jos. 4:4-7.)