Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 44: Raabi jískaasïndi achatichani máru

Uandantskua 44: Raabi jískaasïndi achatichani máru

ÍKSÏ achaticha uandanhiata ma jatsisti. Jatsistiksï para sïpakuarhini paraksï no uándikunhani. Israelitechestiksï ka nirastiksï echerini exeni, uarhiti enga jarhuaatani jaka, Raabisti. Raabi jimesïsï irekasti, engaksï Jeriko anapu bardecha jaka. Ju exeni néna úkuarhispi iámindu i ambe.

Israelitechaksï listu jarhastia paraksï parhikuni iorhekua Jordanini ka paraksï Kanaani inchaakuni. Peru ante de inchanksï, Josue axaasïndi tsimani achatichani paraksï nirani echerini exeni. Arhiasïndi: ‘Exe je echerini ka ireta Jerikoni’.

Raabi ka tsimani israelitecha engaksï nípka echerini exeni

Ka engaksï i achaticha inchajkia Jeriko, nirasïndiksï Raabiri kʼumanchikuarhu. Peru nema arhisïndi juramuti Jeriko anapuni: ‘Chúriksï, jurhasti tsimani israelitecha echerini exeni’. Enga juramuti kurhajka i ambe, axaasïndi máru achatichani Raabiri kʼumanchikuarhu ka íksï arhisïndi Raabini: ‘¡Petaanta achatichani engari chíti kʼumanchikuarhu jatsiaka!’. Peru Raabi iótakuarhu jískaasti ini achatichani. Ka arhiasïndi: ‘Jurhastiksï máru achaticha, peruni no mítiska naniksï anapuespi. Jiánksï níntasti, enga pápjandini japka, enga nótki míkuarhintaenga iretarhu anapu puerta. ¡Engajtsï uiriiska, andanguauakajtsï!’. Ka íksï uiriipasïndi andanguani.

Engaksï níntajkia, Raabi nirasïndi iótakuarhu. Arhiasïndi achatichani: ‘Ji mítiska eskaksïni Jeoba íntskuaka ini echerini’. ‘Jucha kurhaaska eska Jeoba kʼarhiraska mari Charhapitini engajtsï Ejiptu uéakupka, ka eskajtsï uándikuaska juramutichani Seonini ka Ogini. Jiksïni jarhuataska, jimboetakua, aiachijtsïni je eskajtsïni chájtu jarhuataka. Kuájchakua je juchiti tátini, juchiti nándini, juchiti ermanuechani ka juchiti ermanaechani.’

Achaticha engaksï nirajka echerini exeni aiakusïndiksï eskaksï ísï uáka, peru Raabi jatsisti para úni ma ambe. Achatichaksï arhisïndi: ‘I ini sïndari charhapitini ka jómuta chíti bentanarhu’. ‘Ka tánta chíti kʼumanchikuarhu, iámindu chíti parientechani. Ka engachi kʼuanhatsiaka para inchaakuni Jeriko ka engachi exeaka ini sïndarini, nochi nemani uándikuaka ini kʼumanchikuarhu.’ Engaksï i achaticha nirajka Josueni exeni, eiangusïndiksï iámindu ambe.

Josué 2:1-24; Ebreu 11:31.



Kurhamarhikuecha

  • ¿Raabi nani irekaski?
  • ¿Néskiksï inde tsimani achaticha engaksï dibujurhu jaka, ka andiksïsï Jeriko jaki?
  • ¿Ambe uandakua axakusïni juramuti Jeriko anapu Raabini, ka ambe mókukusïni ima?
  • ¿Raabi néna jarhuataasïni inde tsimani achatichani, ka ambe kurhakuasïni?
  • ¿Ambeksï aiakusïni Raabini inde tsimani achaticha?

Máteru kurhamarhikuecha

  • Arhinta Josué 2:1-24.

    ¿Néna niáraski úkuarhini Jeobaeri aiatsperakua enga Éxodo 23:28 jimbo jaka, engaksï israelitecha inchaakupka Jeriko? (Jos. 2:9-11.)

  • Arhinta Ebreu 11:31.

    ¿Néna xarhatasïni Raabiri ejemplu eska jukaparhakueska jakajkukua jatsini? (Rom. 1:17; Ebr. 10:39; Sant. 2:25.)

PARAJTSÏ SÁNDERU MÍTINI

JORHENDAA JE CHÁRI SAPIICHANI

Raabi mintsikaspti Jeobani

Arhinta ini uandantskuani ka jorhenguarhi néna tsípiti pakaraspi Raabi ka imeri familia enga Jeriko kʼamajkunhapka.