Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 29: Andisï sïpakuarhipi Moisesi

Uandantskua 29: Andisï sïpakuarhipi Moisesi

EXE Moisesini, sïpakuarhixati Ejiptu uératini. ¿Exesïniri indechani engaksï chúxapani jaka? ¿Mítiskiri andisïksï uéjki uándikuni? Ju exeni nándikachi uáka mítini.

Moisesi sïpakuarhixati Ejiptu uératini

Moisesi juramuti Ejiptu anapu kʼumanchikuarhu kʼuiripespti. Niáraspti kʼéri ambeni ka kánikua mímixetini. Moisesi mítispti eska no ejipsiuespka, ka eskaksï imeri táticha jántspiri israelitespka.

Ma jurhiatikua, enga Moisesi 40 uéxurhini jatiripkia, niraspti exeni néna nikuxapi imeri iretani. No sésiksï kaaxapti. Exespti na enga ejipsiu ma atani japka israelitani ma. Moisesi iápurhu ísï eraspti ka enga exepka eska no nema jámasïrenga, ataspti ejipsiuni ka ejipsiu uarhispti. Ka Moisesi kutsarirhu inchaskuspti uarhirini.

Ka pauandikua, Moisesi ménderu nirasïndi exeni imeri iretani. Exesïrendi eska úpiringa jarhuaatani paraksï nóteru jántspirinia. Peru tsimani israelitechani exeasïndi uarhiperanksï jarhani, ka arhisïndi imani enga no sési úni japka: ‘¿Andirisï atajki chíti ermanuni?ʼ.

Ima mókukuspti: ‘¿Nékini juchari juramuti ka juesi úski? ¿Uándikuarini májkueni eska ejipsiuni?ʼ.

Moisesi kánikua chéspti. Jánhaskaspti eskaksï kʼuiripuecha mítispkia ambe enga úkupka ejipsiuni. Ístu Faraoni mítispti ka axaspti achatichani máru parakaksï uándikupiringa Moisesini. Jimbosï Moisesi sïpakuarhipti Ejiptu uératini.

Enga Moisesi uéakupka Ejiptu uératini, niraspti iauani ísï, ireta Madiani. Jima mítispti Jetroeri familiani ka tembuchaspti imeri uájpani ma jingoni, enga arhinhaenga Sipora. Moisesi karichi eranguti úkuarhispti ka Jetroeri karichichani eranguasïrendi. Irekaspti 40 uéxurhini ireta Madiani jimbo. Iásï 80 uéxurhini jatiristia. Ma jurhiatikua enga eranguani japka Jetroeri karichichani, úkuarhispti ambe ma enga mójtakupka Moisesiri tsípikuani. Ju exeni ambeski i ambe.

Éxodo 2:11-25; Ukuecha 7:22-29.



Kurhamarhikuecha

  • ¿Nani kʼuiripespi Moisesi, peru ambe mítispi imeri táticheri ambe?
  • ¿Ambe úspi Moisesi enga 40 uéxurhini jatiripkia?
  • ¿Ambe arhispi Moisesi ma israelitani, enga máteruni atani japka ka ambe mókukuspi ima?
  • ¿Andisï sïpakuarhipi Moisesi Ejiptu uératini?
  • ¿Nani sïpakuarhispi Moisesi, ka néni mítispi jima?
  • ¿Ambe úspi Moisesi kuarenta uéxurhini Madiani?

Máteru kurhamarhikuecha

  • Arhinta Éxodo 2:11-25.

    Nájkiruka uánikua uéxurhini irekapka ejipsiuechani jingoni, ¿Moisesi néna xarhatakuspi janhanharhikua Jeobani ka imeri iretani? (Éxo. 2:11, 12; Ebr. 11:24.)

  • Arhinta Ukuecha 7:22-29.

    ¿Ambechi jorhenguarhisïni enga Moisesi jandiajku uékapka pʼímutantaani israelitechani engaksï Ejiptu jántspiripka? (Uku. 7:23-25; 1 Ped. 5:6, 10.)