Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 27: Ejiptu juramusïndi no sési úri ma

Uandantskua 27: Ejiptu juramusïndi no sési úri ma

ÍKSÏ achaticha engari tʼu ixú exeani jaka, afuersaksï ánchitarhaaxati kʼuiripuechani. ¡Exe indeni enga latigu ma jingoni atani jaka máteruni! Indecha engaksï ánchikuarhini jaka, Jakobueri familiestiksï, ka arhinhasïndiksï israelitecha. Ka indecha engaksï ánchitaani jaka, ejipsiuestiksï. Israelitechaksï indecheri jántspiristia. ¿Néna ísï úkuarhiski?

Ejipsiuechaksï no sési kámaaxati israelitechani

Jakobueri familia uánikua uéxurhini sési irekaspti Ejiptu. Jose, enga sáno májkueni kʼéri ambepka eska Faraoni, kuájchakuasïrendi. Peru Jose uarhistia. Ka niáraspti juramuni máteru Faraoni, enga no uékauenga israelitechani.

I Faraoni no sési úri, jántspiri uáspti israelitechani. Ka peeraspti máru achatichani engaksï no sési kámpiaenga ka engaksï no pʼamojpienga para israelitechani ánchitaani. Íksï, afuersaksï ánchitarhasïrendi israelitechani, para iretechani úkuani Faraonini. Peru israelitechaksï méntku uánipaxapti. Tátsekua, ejipsiuechaksï chéspti eskaksï israelitecha jukari uánipiringa ka eskaksï niárapiringa uinhapikua jatsini.

Ejipsiuechaksï no sési kámaaxati israelitechani

¿Mítiskiri ambe úspi Faraoni? Uandajpaspti uarhitichani engaksï israelitechani jarhuatauenga ambakintani, ka arhiaspti: ‘Uándikua je iámindu tatakechani engaksï andajpenuaka’. Peru uarhiticha ambakiti kʼuiripuespti, ka nóksï uándikuasïrendi.

Jimbosï Faraoni juramukupti iretani: ‘Uándikua je iámindu tataka israelitani. Ka tsípiti jurajkua je nanakaechani’. ¿Nori exesïni eska i ambe no sési jarhaspka? Ju exeni néna tsípiti pakaraspi charhaku ma.

Éxodo 1:6-22.



Kurhamarhikuecha

  • Dibujurhu, ¿néski achati enga latigu ma kámani jaka, ka néni ataxaki?
  • ¿Enga Jose uarhipkia ambeksï úkuarhinchaspi israelitecha?
  • ¿Andisïksï ejipsiuecha uénapi chérhiani israelitechani?
  • ¿Ambe juramukuaspi Faraoni uarhitichani engaksï jarhuatauenga ambakintani israelitaechani?

Máteru kurhamarhikuecha

  • Arhinta Éxodo 1:6-22.

    ¿Jeoba néna úndaspi úni ambe enga aiakupka Abraanini? (Éxo. 1:7; Gén. 12:2; Uku. 7:17.)

    Uarhiticha engaksï jarhuatpienga ambakintani, ¿nénaksï xarhataspi eskaksï jukaparharasïrenga tsípikuani? (Éxo. 1:17; Gén. 9:6.)

    ¿Jeoba ambe kóntperata íntsaspi uarhitichani engaksï jarhuatpienga ambakintani, imani ambe jimbo engaksï úpka? (Éxo. 1:20, 21; Pro. 19:17.)

    ¿Ambe uékaspi úni Satanasi paraka no úkuarhipiringa ambe enga Jeoba aiatspipka eska úkuarhipiringa Abraaniri Uájpechani jingoni? (Éxo. 1:22; Mat. 2:16.)