Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 25: Jakobueri familia Ejiptu mótsisïndi

Uandantskua 25: Jakobueri familia Ejiptu mótsisïndi

JOSE iasï nóteru úsïndi tekantani. Ka arhiasïndi imeri ánchikuarhirichani eskaksï uéntaka kuarturhu. Ka enga jandiajku jarhajkia ermanuembechani jingoni, úndasïndi uerani. Ermanuembechaksï ísku pakarasïndi, jimbokaksï no mítispka andisï ueraani Jose. Jimajkani arhiaspti: ‘Ji Joseska. ¿Juchiti táti irekaskiterhu?’.

Ermanuembechaksï ísku pakaraspti ka nóteruksï úsptia uandani. Chésïndiksï. Peru Jose arhiasïndi: ‘Jimboetakua, andarhierajtsïni je’. Engaksï andarherajka, arhiasïndi: ‘Ji Joseska, chári ermanu engajtsï Ejiptuni atarakuntapka’.

Jose chúngumasïndi sési arhiani: ‘Asï kʼamanharhintsti exekuarhi je engajtsïni ixú atarantaka. Tata Diosïsti engarini axaka Ejiptu, parakaksï kʼuiripuecha no uarhipiringa. Faraonirini juramuti ústi iámindu paisirhu. Ísï jimbo, ni je kókuani níntani ka eiangu je juchiti tátini ini ambe. Ka arhi je eska juuaka ixú irekani’.

Jiájkani Jose kamajchakuasïndi ka putinharhikuasïndi iámindu ermanuembechani. Enga Faraoni mítipka eskaksï jurhaspka Joseri ermanuembecha, arhisïndi Joseni: ‘Eskaksï páaka karretechani paraksï juáni chíti táti ka imeri familiechani. Ji sánderu ambakiti echeri Ejiptu anapuni íntsauaka’.

Ísïksï úspti. Úsïniri exeni ixú na enga Jose kamajchakuni jaka tátembani enga niárapkia Ejiptu iámindu imeri familiani jingoni.

Kʼéspti Jakobueri familiemba. Jakobu, uájpecha ka nimakuecha setentesptiksï engaksï Ejiptu mótsipka. Ka ístu témbecha ka uánikua ánchikuarhiricha. Iáminduksï Ejiptu niraspti irekani. Arhinhasptiksï israelitecha, jimboka Tata Diosï mójtakukuspka Jakobueri arhinhakuani ka arhiraspti Israeli. Niáraspti ireta máeni enga Tata Diosï kánikua uékaenga, eskachi tátsekua na exeaka.

Génesis 45:1-28; 46:1-27.

Jose ka imeri familia


Kurhamarhikuecha

  • ¿Ambe úkuarhesïni enga Jose eianguajka ermanuembechani eska Joseska?
  • ¿Ambe arhiasïni Jose ermanuembechani sési arhiaparini?
  • ¿Ambe uandasïni Faraoni enga mítijka Joseri ermanuembecheri ambe?
  • ¿Na xánispiksï Jakobueri familiarhu engaksï Ejiptu mótsipka?
  • ¿Néna niáraspi arhinhani Jakobueri familia, ka andi?

Máteru kurhamarhikuecha

  • Arhinta Génesis 45:1-28.

    Joseri ejemplu, ¿néna xarhatasïni eska Jeoba úsïnga eskaksï sési nitamanchaka imeri marhuaricha, nájkirukaksï uékaka no sési ambe úkuani? (Gén. 45:5-8; Isa. 8:10; Fili. 1:12-14.)

  • Arhinta Génesis 46:1-27.

    ¿Jeoba néna uinhaperantaspi Jakobuni enga Ejiptu nirani japka? (Gén. 46:1-4, nota.)