Exeni ambe enga jataka

Índisi jimbo nirani

Jeobaeri testiguecha

Erakuni idiomani Purépecha

Uandantskua 23: Faraoniri tsánharhikuecha

Uandantskua 23: Faraoniri tsánharhikuecha

TSIMANI uéxurhini nitamasïndi, ka Jose útasï ónhakata jarhasïndi. Koperu mirikurhisti imani. Ma chúrikua Faraoni tsánharhisïndi tsimani ambe enga no méni tsánharhini japka ka no mítisïndi ambeksï arhikuekasïni. ¿Exexakiri eska kʼuíxaka? Pauandikua, uandajpaasïndi imeri jánhastichani ka eianguasïndi ambe enga tsánharhijka. Peruksï no úsïndi eianguni ambeksï arhikuekasïni tsánharhikuecha.

Koperu iásï kʼóru miántasïndi Joseni. Arhisïndi Faraonini: ‘Engani ónhakata japka, jarhaspti tumbi ma enga uáenga uandantani ambe engaksï arhikuekajka tsánharhikuecha’. Faraoni jirejiresï petarkuarhisïndi Joseni.

Faraoni eiangusïndi Joseni ambe enga tsánharhipka. Arhisïndi: ‘Exeaska sieti uákasï teparatichani, ka sési jarhatichani. Ístuni exeaska sieti uákasï kánikua kʼarhisïchani. Ka kʼarhisïchaksï auantasti teparatichani.

Faraoni tsánharhixati

ʼMáteru tsánharhikua jimbo exeaska sieti trigueri píntsïkuechani engaksï sési jataarapka ka íksï tsikispti májku talluni jimbo. Jiájkani exeska sieti trigueri píntsïkuechani engaksï kʼarhipka ka engaksï nómbe jataarapka. Ka píntsïkuecha engaksï nómbe jataarapka auantastiksï sieti píntsïkuechani engaksï sési jataarapka.’

Jose arhisïndi Faraonini: ‘Inde tsimani tsánharhikuecha májku ambeksï arhikuekasïndi. Sieti uákasï teparicha ka sieti píntsïkuecha engaksï sési jataarapka, sieti uéxurhinksï arhikuekasïndi, ka sieti uákasï kʼarhisïcha ka sieti píntsïkuecha kʼarhiricha ístu máteru sieti uéxurhinksï arhikuekasïndi. Sieti uéxurhini kánikua tʼirekua jauati Ejiptu, tátsekua sieti uéxurhini sántku tʼirekua jauati’.

Ísï jimbo, Jose arhisïndi Faraonini: ‘Eraku ma achati mímixetini ka arhi eska tánaka tʼirekua enga sieti ambakiti uéxurhinichani jimbo jauaka. Ka ísï kʼuiripu no uarhiati kʼarhinguani jimbo, imani sieti uéxurhinichani jimbo enga sántku tʼirekua jauaka’.

Faraoni sési exesïndi i ambe. Ka Joseni erakusïndi para tánani ka patsani tʼirekuani. Jose niáraspti sáno májkueni kʼéri ambeni eska Faraoni jini Ejiptu.

Ochu uéxurhini tátsekua enga kʼarhingua uénapkia, Jose exeasïndi achatichani máru jurhani jarhanksï. ¿Mítiskiri nécheskiksï? ¡Diesi ermanuembechestiksï! Imecheri tátemba Jakobu, Ejiptu axaaspti, jimboka Kanaani nóteru káni tʼirekua jarhaspkia. Jose sóntku mítiantasïndi ermanuembechani, peru imechaksï no mítintasïndi. ¿Mítiskiri andi? Jimboka Jose sánderu jatiriskia, ka ísï xukuparhasïndi eska kʼéri juramuti ma.

Jose miántaspti tsánharhikuani enga sapichueni jámani tsánharhipka, eska ermanuembechaksï tinguixurhikusïrenga. ¿Miántasïniri eskari arhintaska inderi ambe? Ísï jimbosï Jose jánhaskajti eska Tata Diosïska enga axaka Ejiptu para ambakiti ambe úni. ¿Ambe úsïni Jose? Ju exeni.

Génesis 41:1-57; 42:1-8; 50:20.



Kurhamarhikuecha

  • ¿Ambe nitamanchaspi Faraoni ma chúrikua?
  • ¿Andisï koperu miántajki Joseni?
  • Eska na xarharajka dibujurhu, ¿ambe tsimani ambe tsánharhisïni Faraoni?
  • ¿Ambe uandaspi Jose eskaksï arhikuekasïrenga tsánharhikuecha?
  • ¿Jose néna niáraspi sáno májkueni kʼéri ambeni eska Faraoni, jini Ejiptu?
  • ¿Andisïksï nirajki Ejiptu Joseri ermanuembecha, ka andisïksï no mítintajki?
  • ¿Náki tsánharhikuani miántasïni Jose, ka ambe niárasïni kurhanguntani?

Máteru kurhamarhikuecha

  • Arhinta Génesis 41:1-57.

    ¿Néna úspi Jose eska Jeoba kʼéri ambe arhinhapiringa, ka nénaksï uá kristianuecha májkueni úni? (Gén. 41:16, 25, 28; Mat. 5:16; 1 Ped. 2:12.)

    Ejiptu sieti uéxurhini jatsispti tʼirekua ka sieti nómbe, terokuntaparini máteru kúnguarhikuechani jingoni, ¿i ambe, néna xarhatasïni eska japiringa Tata Diosïri ireta? (Gén. 41:29, 30; Amós 8:11, 12.)

  • Arhinta Génesis 42:1-8 ka 50:20.

    ¿Sési jarhaski eskaksï Jeobaeri eianhpiricha kʼutitsekuaka nemani enga kʼéri ambeka, enga ísïka imecheri pʼindekua para janhanharhikua xarhatakuni? (Gén. 42:6.)