Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 18: Jakobu nirasïndi ireta Arani

Uandantskua 18: Jakobu nirasïndi ireta Arani

¿MÍTISKIRI néchani jingoni uandontskuarhixaki Jakobu? Jakobu uánikua jurhiatikua xanharasptia ka exeaspti indechani jimesïsï enga posu ma japka. Íksï imecheri karichichani eranguaxapti ka Jakobu kurhamarhiaspti: ‘¿Nanijtsï anapueski?’.

Imaksï arhispti: ‘Arani anapueskachi’.

Jakobu kurhamarhiaspti: ‘¿Mítiskijtsï Labanini?’.

Imaksï arhispti: ‘Jo’. ‘Ka exe, ixú jurhaxati uájpa Rakeli, tátemberi karichichani jingoni.’ ¿Exexakiri Rakelini jurhani jarhani?

Jakobu andarheraxati Rakelini

Enga Jakobu exepka Rakelini jurhani jarhani Labaniri karichichani jingoni, jirejiresï kénditaspti posurhu anapu tsakapuni parakaksï karichicha úpiringa itsïmani. Jimajkani Jakobu putinharhikuspti Rakelini ka eianguspti néspi ima. Rakeli kánikua tsípispti, ka níntaspti chenemba ka eianguspti i ambe tátembani.

Labani kánikua tsípispti enga Jakobu chenemba pakarapiringa. Ka májkueni tsípispti enga Jakobu ístu arhipka eska uékasïrenga Rakelini jingoni tembuchani. Peru Labani kurhakuspti, eska sieti uéxurhini ánchikuarhipiringa imani jingoni, Rakelini jimbo. Jakobu ísï úspti, jimboka kánikua uékasïrenga Rakelini. Joperu enga niárapkia jurhiatikua paraksï tembuperani, ¿mítiskiri ambe úkuarhispi?

Labani íntskuspti Leani, uátsï kʼérini ka no Rakelini. Enga Jakobu uékapka ánchikuarhini máteru sieti uéxurhini Labanini jingoni, ístu íntskuspti Rakelini. Imani jurhiatikuechani jimbo, Tata Diosï jurajkusïrendi achatini para jatsiani máteru témbechani. Peru iásï eska na uandajka Biblia, jatsistiksï para májku témbani jatsini.

Génesis 29:1-30.



Kurhamarhikuecha

  • ¿Néski iurhitskiri enga dibujurhu jaka, ka Jakobu ambe úspi ini jimbo?
  • ¿Ambe úspi Jakobu para úni Rakelini tembuni?
  • ¿Ambe úspi Labani enga niárapkia jurhiatikua parakaksï Jakobu ka Rakeli tembuperapiringa?
  • ¿Ambe úspi ménderu Jakobu para úni tembuni Rakelini?

Máteru kurhamarhikuecha

  • Arhinta Génesis 29:1-30.

    Nájkiruka Labani chikuanderakupka Jakobuni, ¿i néna xarhataspi eska mintsinharhikuespka ka ambejtsïni jorhendasïni i ambe? (Gén. 25:27; 29:26-28; Mat. 5:37.)

    Jakobueri ejemplu, ¿nénajtsïni xarhatachisïni eska jurhimbiti uékperakua ménderueniska no jurhimbiti uékperakuani jingoni? (Gén. 29:18, 20, 30; Cant. de Cant. 8:6.)

    ¿Nákispiksï tʼámu Jakobueri témbecha enga jingoni kápka uájpechani? (Gén. 29:23, 24, 28, 29.)