Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 13: Abraani… Tata Diosïri amigu

Uandantskua 13: Abraani… Tata Diosïri amigu

MAPURHU engaksï kʼuiripuecha nípka irekani enga na nitamapkia Kʼéri Janikua, arhinhasïrendi Uri. Uri, kʼéri ireta máespti ka ambarhati kʼumanchikuechaksï jarhaspti. Joperu jima anapuechaksï kómarhiasïrendi diosï no jurhimbitichani. Babeli anapuechajtuksï májkueni úsïrendi. Uri ka Babeli anapuecha nóksï májkuenispti eska Noe ka imeri uájpa Semi, engaksï méntkisï Jeobani marhuakupka.

Noe uarhispti 350 uéxurhini tátsekua enga nitamapkia kʼéri janikua, tsimani uéxurhini tátsekua, andajpenuspti i achati enga dibujurhu jaka. Tata Diosï kánikua uékasïrendi i achamasïni. Abraani arhinhasïrendi ka imeri familiani jingoni irekaspti, ireta Uri.

Abraani jóskuechani exeaxati

Ma jurhiatikua Jeoba arhispti Abraanini: ‘Uéaku Uri uératini ka jurajkua chíti parientechani, ka ni imani paisini jimbo engakini arhiaka’. ¿Kurhajchaspi Tata Diosïni ka jurajkuspi iámindu ambe enga xáni jatsikuarhepka Uri? Jo. Ka jimboka méntkisï kurhajchasïrenga Tata Diosïni, niáraspti mítikuarhini komueska Tata Diosïri amigu.

Enga Abraani uéakupkia Uri, nirasptiksï imani jingoni máru imeri familiemba. Niraspti témba Sara, tátemba Tare ka sobrinuemba Loti. Tátsekua, niárasptiksï ireta Arani ka jima uarhispti Tare. Ireta Uri iauani pakarasptia.

Tátsekua Abraani ka imeri familiemba uéakuntasptiksï Arani ka niárasptiksï ireta Kanaani. Jima, Jeoba arhispti: ‘I jindesti echeri engani íntskuauaka chíti uájpechani’. Abraani, Kanaani pakaraspti irekani ka kʼumanchikua sïkuiriri úkatechani jimbo irekasïrendi.

Tata Diosï kánikua kóndispti Abraanini, ka niáraspti uánikua karichichani kaani ka ístu máteru jásï animalichani, ka sientu jimbo jántspirichani. Joperu Abraani ka Sara nóksï ma uájpani kánguarhisïrendi.

Enga Abraani 99 uéxurhini jatiripka, Jeoba arhispti: ‘Aiachesïngakini eskari niáraka jindeni uánikua nasionicheri tátemba’. Joperu, ¿néna úkuarhipirini i ambe? Jimboka, Abraani ka Sara tʼarhepispkaksïa paraksï kánguarhini uájpani ma.

Génesis 11:27-32; 12:1-7; 17:1-8, 15-17; 18:9-19.



Kurhamarhikuecha

  • ¿Na jásï kʼuiripu irenhaspi Uri?
  • ¿Néski achati enga dibujurhu jaka? ¿Káni andajpenuspi? Ka, ¿nani irekaspi?
  • ¿Ambe juramukuspi Tata Diosï Abraanini?
  • ¿Andisï Abraani niárapi Tata Diosïri amigueni?
  • ¿Néksï niraspi Abraanini jingoni enga uéakupkia Uri?
  • ¿Ambe arhispi Tata Diosï, enga Abraani niárapkia Kanaani?
  • ¿Ambe aiakuspi Tata Diosï Abraanini enga 99 uéxurhini jatiripkia?

Máteru kurhamarhikuecha

  • Arhinta Génesis 11:27-32.

    ¿Loti ambespi Abraanini jingoni? (Gén. 11:27.)

    Nájkiruka Biblia uandajka eska Tarespka enga orhekupaenga imeri familiani engaksï Kanaani nirani japka, ¿andichisï míti eska Abraanispka enga orhekupaenga, ka andisï ísï úpi? (Gén. 11:31; Uku. 7:2-4.)

  • Arhinta Génesis 12:1-7.

    ¿Ambe sánderu aiakuspi Jeoba, enga Abraani niárapkia Kanaani? (Gén. 12:7.)

  • Arhinta Génesis 17:1-8, 15-17.

    ¿Náki arhinhakua intsïnhaspi Abrani enga 99 uéxurhini jatiripkia, ka andi? (Gén. 17:5.)

    ¿Jeoba ambe kóntperatechani aiakuaspi Sarani? (Gén. 17:15, 16.)

  • Arhinta Génesis 18:9-19.

    Génesis 18:19 jimbo, ¿ambe arhiasïni tátichani? (Deu. 6:6, 7; Efe. 6:4.)

    ¿Nénajtsïni jorhendasïni Saraeri nitamakua, eskachi no ma ambe ma uáka jískakuni Jeobani? (Gén. 18:12, 15; Ebr. 4:13.)