Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 12: Úsïndiksï kʼéri kʼumanchikua ma

Uandantskua 12: Úsïndiksï kʼéri kʼumanchikua ma

UÁNIKUA uéxurhini nitamaspti. Ka Noeri uájpechaksï niáraspti uánikua uájpechani kaani. Íksï kʼuiripespti ka ístuksï kaaspti uájpechani. Sóntku uánispti kʼuiripu Parhakpinirhu.

Irekaspti Noe uájperi nimakuemba ma, enga arhinhaenga Nemrodi. I no sési úrispti, uándikuasïrendi kʼuiripuechani ka animalichani. Ístu juramuti úkuarhispti para máteruechani juramukuani. Tata Diosï no jaiapanhintasïrendi Nemrodini.

Imani jurhiatikuechani jimbo, kʼuiripuechaksï májku idioma uandasïrendi. Nemrodi uékasïrendi eskaksï iáminduecha jima pakarapiringa irekani, para úni juramukuani. Ísï jimbo, ¿mítiskiri ambe úspi? Arhiaspti kʼuiripuechani eskaksï kʼéri ireta ma úpiringa, ka eskaksï jima kʼéri kʼumanchikua ma úpiringa. Exe dibujurhu na engaksï tabiki úni jaka.

Jeoba no jaiapanhintaspti ini kʼéri kʼumanchikuani. Ima uékasïrendi eskaksï kʼuiripuecha etsakuarhipiringa paraka irenhapiringa iámu Parhakpinirhu. Joperu kʼuiripuechaksï uandaspti: ‘¡Ju je! Uákachi kʼéri ireta ma ka kʼéri kʼumanchikua ma enga auandarhu jamberi niáraka. ¡Jiájkani kʼóruchi kʼéri ambe exenhaka!’. Uékasïrendiksï eska imecha kʼéri ambe exenhapiringa ka no Tata Diosï.

Ísï jimbo, Tata Diosï anhaxustaspti ánchikuarhitani. ¿Mítiskiri ambe úspi? Úspti eskaksï kʼuiripuecha mámaru jásï idioma uandapiringa ka nóteruksï úsptia kurhangutsperani. Ísï jimbo, imecheri ireta arhinhaspti Babeli o Babilonia, enga arhikuekajka “No kurhangutsperakua”.

Jiájkani kʼóruksï kʼuiripuecha uéakusptiksïa Babeli uératini. Kʼuiripuecha engaksï májku jásï idiomani uandaenga, nirasptiksï irekani márku, máteru nani.

Génesis 10:1, 8-10; 11:1-9.

Ánchikuarhirichaksï k’éri k’umanchikua ma úxati


Kurhamarhikuecha

  • ¿Néspi Nemrodi, ka Tata Diosï néna exesïreni?
  • ¿Andiksïsï tabiki úni jaki kʼuiripuecha dibujurhu?
  • ¿Andisï Jeoba no jaiapanhintapi kʼéri kʼumanchikuani?
  • ¿Néna anhaxustaspi Tata Diosï ánchikuarhitani?
  • ¿Néna arhinhaspi ima kʼéri ireta, ka ambe arhikuekasïreni ima arhinhakua?
  • ¿Ambeksï úspi kʼuiripuecha enga Tata Diosï úpka eskaksï nóteru kurhangutsperapiringia?

Máteru kurhamarhikuecha

  • Arhinta Génesis 10:1, 8-10.

    ¿Na jásï kʼuiripuespi Nemrodi, ka ambejtsïni jorhendasïni Biblia ini jimbo? (Pro. 3:31.)

  • Arhinta Génesis 11:1-9.

    ¿Andisï únhani japi kʼéri kʼumanchikua, ka andisï no sési uérakuapirini? (Gén. 11:4; Pro. 16:18; Juanu 5:44.)