Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 5: Uénasïndi kómu nitamakua

Uandantskua 5: Uénasïndi kómu nitamakua

ENGAKSÏ Adani ka Eba petanhantapkia sési jándekuarhu uératini, uénasptiksï irekani uánikua uandanhiatechani jingoni. Iásï, jatsisptiksïa para jánguarhintani ánchikuarhini paraksï úni tʼireni. Ka nóteru káni jarhasptia ima jarhati anhatapuecha engaksï ambakiti fruta jukaenga, sánderu uitsakua ka chekamikua ambe jarhaspti. Iámindu i ambe uénaspti jarhani engaksï Adani ka Eba no kurhajchapka Tata Diosïni ka engaksï tsïtapkia Imeri sési pájperakuani.

Adani ka imeri uájpa, uinhamuksï ánchikuarhixati

Joperu sánderu no sési ambe engaksï nitamanchapka Adani ka Eba, jindespti, engaksï ima úndapka uarhini. Miánta eska Tata Diosï arhiaspka, eskaksï uarhipiringa engaksï apiringa imani anhatapueri frutani. Ka imani mísmu jurhiatikua engaksï no kurhajchapka Tata Diosïni, uénasptiksï uarhini. ¡Xáni engaksï tontuepka, ísïksï no kurhajchani Tata Diosïni!

Enga Tata Diosï petataantapka sési jándekuarhu uératini, Adani ka Eba nótkiksï ma uájpani kánguarhisïrendi. Tátsekuaksï kánguarhiasptia uájpechani, inde ambe arhikuekasïndi eskaksï uájpechajtu jatsispka para tʼarhepini ka uarhinksï.

Engaksï Adani ka Eba kurhajchapiringa Jeobani, xáni imecha ka imeri uájpecha úpirindiksï tsípikua jingoni irekani Parhakpinirhu para méntkisï. Ka no nema niárapirindi tʼarhepini, pʼamenchani ka ni uarhini.

Tata Diosï uékasïndi eskaksï kʼuiripuecha irekaka tsípikua jingoni para méntkisï, ka eiatspesïndi eska ma jurhiani ísï úkuarhiaka. Iámindu Echeri sési jándentati, ka kʼuiripuechaksï nóteru pʼamenchatia. Sésiksï pájperati iáminduecha, ka ístuksï uáti jatsini sési pájperakua ma Tata Diosïni jingoni.

Eba imeri uájpechani jingoni

Eba tsïtaspti sési pájperakua Tata Diosïni jingoni. Ísï jimbosï kánikua kómu nitamakuarhendi para úni uájpechani kánguarhiani, jimboka Eba no kurhajchaspka Jeobani uánikua kómu nitamakuechani juákuarhiaspti, ¿no ísïski?

Adani ka Eba niárasptiksï kánguarhiani uánikua uájpechani. Ka engaksï orheta kánguarhipka, arhirasptiksï Kaini ka engaksï tátsekua kánguarhipka, arhirasptiksï Abeli. ¿Mítiskiri ambeksï úspi ícha?

Génesis 3:16-23; 4:1, 2; Jaŋaskuecha 21:3, 4.



Kurhamarhikuecha

  • ¿Náksï irekaspi Adani ka Eba engaksï nóteru japkia sési jándekuarhu?
  • ¿Ambeksï úkuarhinchaspi Adani ka Eba sánhani arhini, ka andi?
  • ¿Andiksïsï Adani ka Ebaeri uájpechajtu niárapirini tʼarhepini ka uarhini?
  • Engaksï Adani ka Eba kurhajchapiringa Jeobani, ¿náksï irekapirini imecha ka imeri uájpecha?
  • ¿Ambe jimbo Eba kómu nitamakuarhisïreni enga ísï no kurhajchapka Tata Diosïni?
  • ¿Náksï arhinhasïreni ima tsimani uájpecha engaksï Adani ka Eba orheta kánguarhiapka?
  • ¿Néskiksï máteru sapicha engaksï dibujurhu jaka?

Máteru kurhamarhikuecha

  • Arhinta Génesis 3:16-23 ka 4:1, 2.

    ¿Néna irekapirini Adani enga echeri nóteru íntspepiringia tʼirekua? (Gén. 3:17-19; Rom. 8:20, 22.)

    ¿Andisï sési pakarakupi Ebani inde arhinhakua, enga arhikuekajka “tsípiti jarhani”? (Gén. 3:20.)

    ¿Néna xarhataspi Jeoba eska pʼamojkuasïrenga Adani ka Ebani nájkiruka imaksï no kurhajchapka? (Gén. 3:7, 21.)

  • Arhinta Jaŋaskuecha 21:3, 4.

    ¿Ambe “uénani anapu ambe” jucha uékapirini eska nóteru japiringia?