Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 3: Uénasïndi kʼuiripu irekani

Uandantskua 3: Uénasïndi kʼuiripu irekani

¿AMBE jimbo ménderueni xarharasïni ini dibujurhu? Indeni kʼuiripuechani jimbo engaksï jimini jaka, íksï jindesti achati ka uarhiti engaksï orheta kueraanhapka. Joperu ¿né kuerauaski? Tata Diosï. ¿Mítiskiri néna arhinhasïni Tata Diosï? Jeoba arhinhasïndi. Ka achati ka uarhiti arhinhasïndiksï Adani ka Eba.

Adani ka Eba jardini Edenirhu

¿Jeoba néna kueraaspi Adanini? Pʼiraspti tʼupuri sáni, ka imani tʼupurini jingoni úspti achatini ma enga no ma pekadu jukarapka, ka para íntskuni tsípekua, pʼunirhukuspti ka ísï uénaspti irekani Adani.

Tata Diosï, ánchikuarhita ma íntskusïndi Adanini. Arhispti eska jirinhakuapiringa arhinhakua ma animalichani. Jamberi Adani ióni exeapti animalichani para úni jirinhakuani sési jásï ma arhinhakua. Joperu enga Adani jirinhakuani japka arhinhakua animalichani, úndaspti exeni ma ambe. ¿Mítiskiri ambespi?

Animalichaksï tsimandani jarhaspti. Jarhasptiksï elefanticha ka lionicha, xáni kutsï ka tʼarhe. Peru Adani no kámasïrendi uarhitini. Ísï jimbo, Jeoba úspti eska Adani uinhamu kʼuípiringa para úni tsirini ma pʼitani ka imani tsirinini jingoni úkuspti uarhitini ma, ka ima niáraspti jindeni imeri témba.

¡Iásï kʼóru Adani kánikua tsípixaptia Ebani jingoni jarhani! ¡Ka ístu Eba kánikua tsípipti, irekani jarhani xáni sési jándekuarhu! Iásï kʼóruksï úpirindia kánguarhiani uájpechani ka tsípekua jingonksï irekani.

Jeoba uékasïrendi eska Adani ka Eba irekapiringaksï para méntkisï. Jeoba uékasïrendi eskaksï iámindu Echerini ísï jántskapiringa eska Edeni. ¡Adani ka Eba, kánikuaksï tsípipti mítini eskaksï úpiringa jarhuajpeni paraka echeri sési jándepiringa! ¿Tʼujturi uékapirini jima jarhani parari jarhuajpeni sési jántskani Echerini? Joperu ima sési jásï irekua engaksï Adani ka Eba jatsipka, sóntku kʼamakurhispti. Ju exeni andi.

Salmo 83:18; Génesis 1:26-31; 2:7-25.



Kurhamarhikuecha

  • ¿Andisï ménderueni xarharajki i dibuju, tsimani uandantskuarhu anapuni jingoni?
  • ¿Né kueraaski orheta achaatini, ka na arhinhasïreni?
  • ¿Tata Diosï ambe ánchikuarhita íntskuspi Adanini?
  • ¿Andisï Tata Diosï úpi eska Adani uinhamu kʼuípiringa?
  • ¿Na xáni ióni úpirinksï irekani Adani ka Eba, ka ambe ánchikuarhita íntsaspi Jeoba?

Máteru kurhamarhikuecha

  • Arhinta Salmo 83:18.

    ¿Na arhinhasïni Tata Diosï ka ambe juramukua jatsiski ini Parhakpinini jimbo? (Jer. 16:21; Dan. 4:17.)

  • Arhinta Génesis 1:26-31.

    Kʼamarhukuni jámani, ¿ambe kueraspi Tata Diosï kuímu jurhiatikuani jimbo ka andiksïsï no májkuenipi animalichani jingoni? (Gén. 1:26.)

    ¿Jeoba, ambe tʼirekua íntskuspi kʼuiripuni ka animalichani? (Gén. 1:30.)

  • Arhinta Génesis 2:7-25.

    ¿Ambe úpirini Adani para sési jásï ma arhinhakua jatsikuani animalichani? (Gén. 2:19.)

    ¿Nénajtsïni jarhuasïni Génesis 2:24 kurhanguntani na enga exejka Jeoba tembuchakuani ka jurajperakuani ka enga nema sïranda úntajka para jurajperani? (Mat. 19:4-6, 9.)