Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Juchiti libru enga Bibliaeri ambe uandajka

Uandantskua 1: Tata Diosï uénasïndi úni uánikua ambe

Uandantskua 1: Tata Diosï uénasïndi úni uánikua ambe

TATA Diosïjtsïni íntskusïndi iámindu ambakiti ambe. Ima kuerasti Jurhiatani parajtsïni jurhiakua erajkutarani, ka Lunani ka jóskuechani parajtsïni chúrikua erajkutarani, ka Echerini parachi irekani.

Joperu Tata Diosï no Jurhiatani, Lunani, jóskuechani ka Echerini uénaspti kuerani. ¿Mítiskiri ambe orheta kueraspi? Xarhati espirituechani komueska ima. Joperu jucha no úsïnga exeani indeni espirituechani, ísï eska jucha na no újka exeni Tata Diosïni. Biblia uandasïndi eska inde espirituecha, arhinhasïngaksï ánjilicha. Tata Diosï uáspti ini ánjilichani parakaksï imani jingoni irekapiringa auandarhu.

Imani ánjilini enga Tata Diosï uénapka kueraani, jindespti imeri orheta Uájpa, ka i no májkuenispti eska máteruecha. Ima jarhuataspti imeri Tátembani kuerani iámindu máteru ambe. Jarhuataspti kuerani Jurhiatani, Lunani, jóskuechani ka ístu Echerini.

Uénakuarhu, Echeri ¿néna jándespi? Uénakuarhu no nema úsïrendi irekani Echerirhu, jimboka kánikua itsï jarhaspka enga ójchakuraenga Echerini. Joperu Tata Diosï uékasïrendi eska kʼuiripu irekapiringa Echerirhu. Ísï jimbo, uénaspti sési jántskani parachi úni irekani. ¿Ambe úspi?

Orheta, Echeri uétarhinchasïrendi tʼíntskua. Ísï jimbo, Tata Diosï úspti eska Echerirhu xarharapiringa Jurhiata. Úspti ini ambe paraka japiringa chúrikua ka jurhiakua. Tátsekua, Tata Diosï úspti eska ima xáni kánikua itsï, kétsekua pakarapiringa ka echeri karhakua.

Uénakuarhu no ma ambe jarhaspti ixú echerirhu. Ísïspti eska na xarharani jaka ini dibujuni jimbo. Nóksï jarhaspti ni tsïtsïkicha, ni anhatapuecha, ni animalicha ka níjtu kuruchecha jatamipi maricharhu. Tata Diosï kánikua ánchikuarhita jatsispti parakaksï animalicha ka kʼuiripuecha úpiringaksï tsípikua jingoni irekani Echerirhu.

Jeremías 10:12; Colosenses 1:15-17, NM; Génesis 1:1-10.

No ma ambe jarhaspti echerirhu


Kurhamarhikuecha

  • ¿Néjtsïni íntskuski iámindu ambakiti ambe? ¿Uári ejemplu ma íntspeni?
  • ¿Ambe orheta kueraaski Tata Diosï?
  • ¿Andisï ima ánjili enga Tata Diosï orheta kueraapka no májkuenipi eska máteruecha?
  • Uandanta na jándespi uénakuarhu Echerirhu (exe dibujuni).
  • ¿Ambe úspi Tata Diosï Echerirhu paraka animalicha ka kʼuiripuecha úpiringa irekani?

Máteru kurhamarhikuecha

  • Arhinta Jeremías 10:12.

    ¿Ambejtsïni xarhatachisïni Tata Diosï imeri kueraakatani jimbo? (Isa. 40:26; Rom. 11:33.)

  • Arhinta Colosenses 1:15-17, NM.

    ¿Ambe ánchikuarhita úspi Jesusi enga Tata Diosï kueraani japka iámindu ambe, ka indeni jimbo, nénachi jatsiski para exeni Jesusini?

  • Arhinta Génesis 1:1-10.

    ¿Néna uénaski jarhani Echeri? (Gén. 1:1.)

    ¿Ambe kueraaspi Tata Diosï orheta jurhiatikuani jimbo? (Gén. 1:3-5.)

    ¿Ambe kueraaspi Tata Diosï segundu jurhiatikuani jimbo? (Gén. 1:7, 8.)