Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

Karta Grupueri enga Orhejtsïkuajka iámindu kúnguarhikuechani

Karta Grupueri enga Orhejtsïkuajka iámindu kúnguarhikuechani

Juchari erachicha:

Jucha engachi Jeobani marhuakujka, jukaparharasïngachi imeri Karakatani, Bibliani. Seguruchi jarhaska, eskachi Bibliarhu exentasïnga istoria enga jurhimbitiika, ambarhati konsejuechani ka pruebechani eska Jeoba kánikua xénchasïnga kʼuiripuni (Salmo 119:105; Lukasʌ 1:3; 1 Juanu 4:19). Ambe engachi mintsita jingoni uéjka, jindesti jarhuataani máteruechani paraksï jorhenguarhini jurhimbikuani enga Tata Diosïri Karakatarhu jaka ka enga kánikua jukaparhakueka. Ísï jimbo, tsípikua jingonksïni presentarichesïnga i libruni: Ambe engani jorhenguarhijka Bibliaeri. Jurajkuksïni aianguni máru ambe i publikasioniri.

I libru, únhasti sánderumindu sapiichani eratsipariani. Peru ístu, uáti kánikua marhuakuani kʼératichani engaksï uéjka sánderu jorhenguarhini Bibliaeri ambe. Ka komu Biblia libru máeka para iáminduecha, seguruchi jarhaska eskachi iámindu marhuanchaaka repasarini ambe engajtsïni jorhendajka, jimbokajtsïni uáka jarhuatani tsípikua jingoni irekani.

Úraparini ambe enga Biblia arhijka, i libru uandantasïndi kʼuiripueri istoria desde enga kueraanhaka. Kánikua jánguarhinhantasti paraksï i istoriauecha úni kurhangukuarhini, fásili arhikuarhintani ka nani enga úka, ísï uandantapani eska na úkuarhipapka.

Peru i libru, no solu jindesti para Bibliarhu anapu istoriechani uandantaani. Karakata ka ilustrasionicha, prepararinhastiksï paraksï istoriecha ísï xarharani enajkiksï apenasi nitamani jaki, ka xarhatani na engaksï pʼikuarheraenga personajecha.

I publikasionijtsïni jarhuatasïndi exeni eska Biblia, libru máeska enga uandajka kʼuiripuecheri engaksï kurhajchapka Jeobani ka ístu imecheri engaksï no kurhajchapka. Ístujtsïni jarhuatasïndi, parachi mámaru ambe jorhenguarhini imecheri ejemplu jimbo (Roma 15:4; 1 Korintu 10:6). I libru, 14 particha jimbo arhukukata jarhasti. Uénakuarhu mándani partiri, resumeni ma jukasti máru amberi engachi jorhenguarhijka.

 Enga cha kaajka sapiichani, uákajtsï ma kapitulu arhintani imecha jingoni ka uandontskuarhini ilustrasionicheri ambe. Tátsekuajtsï uáka Bibliarhu arhiantani textuechani nani enga pʼitakata jaka ima kapitulu. Jarhuata je chári sapini paraka exeaka eska ambe enga jorhenguarhini jaka imani istoriarhu, Bibliarhu pʼitakata jarhaska. Uákajtsï májkueni úni parajtsï kʼérini ma jarhuatani mítini ambe uandasïni Biblia.

Uékasïngachi eska i libru jarhuatauaka imechani engaksï ambakiti mintsita ma jukaka, tumbiichani ka kʼératichani paraksï jorhenguarhini Tata Diosïri Karakateri ambe ka úraanksï konsejuechani. Ísï jámanksï imajtu uáti marhuakuni Jeobani ka imani familia jingoni úkuarhini enga Jeoba xáni xénchajka.

Chári erachicha,

Grupu enga Orhejtsïkuajka iámindu kúnguarhikuechani Jeobaeri Testiguecheri