Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 47

Jeoba uinhaperantasïndi Elíasini

Jeoba uinhaperantasïndi Elíasini

Jesabeli eiangunhaspti ambe engaksï úkuarhinchapka Baaliri profetecha ka kánikua ikiaspti. Jimbosï axapti mensajeruni ma para arhini Elíasini: “Pauandi uarhirini jauakia, májkueni eska Baaliri profetecha”. Elíasi kánikua chéspti ka desierturhu sïpakuarhispti. Jima jatini kómarhispti: “Jeoba, nóteruni uákia. Uékasïnga uarhini”. Elíasi kánikua kuataratixapti ka kʼuiiraspti anhatapurhu ma jandukutini.

Peru ánjili ma tsínharhitaspti ka iatsitakuarhu arhispti: “Jauara ka tʼire”. Elíasi exespti kurhinda ma, tsakapu jorhepiticharhu máru jimbo ka jarra ma itsï jingoni. Tʼirespti, itsïmaspti ka kʼuíntaspti. Ka ánjili ménderu tsínharhitaspti ka arhini: “Tʼire. Jatsiskari para uinhapiti jarhani para biaji engari uáka”. Jimbosï Elíasi tʼirepti sánderu. Tátsekua, biajarispti 40 jurhiatikua ka 40 chúrikua astaka niárapka Orebi juáta jimbo. Jima, kuebarhu ma kʼuíspti. Jimajkani Jeoba arhispti: “¿Elíasi, amberi úxaki ixú?”. Elíasi arhispti: “Israelitechaksï no kumpliristi ambe engaksïni aiachika. Kʼamajkuastiksï chíti altarichani ka uándikuastiksï chíti profetechani. Ka jíndintujtsïni uékasïndi uándikuni”.

Jeoba arhispti Elíasini: “Uénta kuebarhu ka anhandetini pakara juátarhu”. Jimajkani, kʼéri ma tarhiaspti, tátsekua jenchespti ka tátsekua chpiri ma úkuarhispti. Últimu, Elíasi kurhaaspti bosi ma enga iatsitakuarhu uandajpenga. Jimbosï ónharhipti imeri xukuparhakua jingoni ka anhandetini pakarani kuebarhu uérakua. Jeoba kurhamarhispti andisï sïpakuarhipi. Ka Elíasi arhispti: “Jíterkusïni pakarajkia komu profeta”. Peru Jeoba arhispti: “Nori jandiajku jarhaska. Útasï 7,000 kʼuiripu jarhasti engarini marhuachijka. Ní ka arhi Eliseuni eska ima pakaraaka komu profeta chíti lugarirhu. Elíasi seguirispti úni ambe enga Jeoba juramukupka. ¿Exesïniri eskakini Jeoba tʼungintu jarhuataaka engari kurhajchaska? Jo. Iásï, ju exeni ambe enga úkuarhipka ima tiempu jimbo enga kʼarhindekua japka.

“Asï pendienti jatsi je ni ma ambe jimbo, sino Diosïni kómarhi je, ka kurhakuntsï ambe engajtsï uétarhinchajka, diosmeiamukua arhiparini Diosïni iámindu ambe jimbo” (Filipusʌ 4:6).