Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 49

No ambakiti reina ma kastigarinhasïndi

No ambakiti reina ma kastigarinhasïndi

Bentanarhu ma uératini imeri palasiurhu jini Jesreeli, rei Akabi exesïrendi Nabotiri echerini enga ubasï jukega. Akabi uékasïrendi imani echerini ka jámaspti piákuntani. Peru Naboti no uékasïrendi atarakuntani, jimboka Jeobaeri Lei uandasïrenga eskaksï no úpiringa ataranhantani echericha engaksï erensia máepiringa táticheri. Naboti sési ambe úspti. ¿Exesïniri eska Akabi respetaripka ambe enga Naboti úpka? Nómbe. Akabi kánikua ikiaspti. Xáni ikiaxapti enga no uékaenga uérani imeri kuarturhu ni tʼireni.

Akabiri témba, no ambakiti reina Jesabelispti. Ka arhispti Akabini: “Tʼuri reiiska Israeli, uákari jatsini ambe engari uékaaka. Jí konseguiriuaka imani echerini ka íntskuakakini”. Jesabeli karakuaspti ireteri orhejtsïkutichani. Imani kartecharhu, juramuspti eskaksï uandapiringa eska Naboti no sési uandaspka Tata Diosïri ambe ka eskaksï tsakapkuerapiringa. Orhejtsïkutichaksï úspti ambe enga Jesabeli juramupka. Tátsekua arhispti Akabini: “Naboti uarhirixatia. Chítistia echeri enga ubasï jukajka”.

Naboti ambakiti kʼuiripu máespti, peru Jesabeli no imantku uándikuspti. Ístu uándikuaspti uánikua máteruechani engaksï xénchenga Jeobani. Ka kómarhiasïrendi idoluechani ka úsïrendi máteru no sési jásï ambe. Peru Jeoba exesïrendi iámindu imani no sési jásï ambe. ¿Jeoba ambe úkupirini Jesabelini?

Enga Akabi uarhipkia, uájpa Jeorami uénaspti juramuni. Jimajkani, Jeoba achamasïni ma axaspti enga Jeú arhinhaenga para kastigarini Jesabelini ka imeri familiani.

Jeú karharaspti imeri karrurhu ka niraspti Jesreeli, nani enga Jesabeli irekapka. Jeoramijtu jataspti imeri karruni para kúmani Jeúni. Enga exepka, Jeorami kurhamarhispti: “¿Jarhaski pínandikua entre jucha?”. Jeú arhispti: “Nómbe. No jauati pínandikua enga chíti nándi seguiriska  no sési jásï ambe úni”. Jimajkani Jeorami uékaspti uelta úni imeri karru jingoni para níntani, peru Jeú flecha ma kʼuaniraspti ka uándikuspti.

Tátsekua, Jeú niraspti Jesabeliri palasiurhu. Ima kurhaaspti eska Jeú jurhaxapka, jimajkani atanharhintaspti, tepejtsïntaspti ka karhakua anapu bentanarhu no iauani erokaspti. Enga Jeú niárapka, Jesabeli no sési arhispti. Jeú arhiaspti jántspirichani engaksï Jesabeli jingoni japka: “¡Uekopanta je!”. Imaksï bentanarhu ísï uekopantaspti ka ima uarhiri andatseraspti.

Tátsekua, Jeú uándikuaspti Akabiri 70 uájpechani ka úspti eska nóteru nema Baalini kómarhipiringuia paisirhu. ¿Kuenta íntskukuarhiskiri? Jeoba iámu ambe mítisti ka jiáni kastigariuasïndi no sési úrichani enga exejka eska tiempueska.

“Jatsikuarhikua enga uénani jámani enbidia jimbo konseguirikuarhijka, últimu no kóntperata máeuati” (Proverbios 20:21).