Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 39

Primeru rei Israeliri

Primeru rei Israeliri

Jeoba juesichani úraaspti para orhekupaani israelitechani, peruksï ima reini masï uékaendi. Jimboksïsï arhipti Samuelini: “Iámindu máteru nasionichaksï jatsikuarhiasti reichani, juchajtuni uékasïnga ma”. Para Samueli inde ambe no sési jarhaspti. Jimajkani kómarhispti Jeobani ka ima mókukuntaspti: “Iretakini no tʼunguinisï no jiókuarhini jati, jíndentsïnisï no jiókuarhini jati. Arhia eskaksï uáka jatsini reini ma, peru eska ima rei uánikua ambe kurhakuauaka”. Peruksï ima uandaspti: “¡No arhiati! ¡Uékasïngachi reini ma jatsini!”.

Jimajkani Jeoba arhispti Samuelini eska achamasï ma enga Sauli arhinhaenga jindepiringa primeru rei. Enga Sauli pʼorhembipka Samuelini jini Ramá, Samueli aseiti atajtsïkuspti para xarhatani eska ima jindepiringa rei.

Tátsekua, Samueli tánantaaspti israelitechani para exeraani imecheri jimbanhi reini. Peru no naniksï exentasïrendi Saulini. ¿Mítiskiri andi? Jimboka ekipajerhu jirikuarhitixapka. Engaksï exentapkia, úsptiksï eska uérapiringa ka iretarhu terujkanksï péraspti. Ima jindespti enga sánderu iójtarhapka ka kánikua sési jáxeni. Samueli arhiaspti: “Exe je, Jeoba inisï erakuti”. Ka kʼuiripu uinhachaspti: ¡Eska ióni jamberi irekaaka juchari rei!”.

Uénani jámani, rei Sauli kasu úkusïrendi Samuelini ka kurhajchasïrendi Jeobani. Peru tátsekua nóteru ísï úsptia. Por ejemplu, rei no jatsispti sésikua para uaani kéjtsïtakuechani. Ma xanhari, Samueli arhispti Saulini eska erokapiringa, peru ióndaxaptia niárani, jimbosï Sauli jandiajku úpti kéjtsïtakuani. ¿Ambe úspi Samueli? Arhispti: “Jatsispkari para kurhajchani Jeobani ka nori ísï úska”. ¿Jorhenguarhepi Sauli eska jatsispka para méntkisï kurhajchani Jeobani?

Tátsekua, Sauli niraspti Amaleki anapuecha jingoni uarhipeni ka Samueli arhispti eska no nemani tsípiti jurajkupiringa. Peru Sauli no uékaspti uándikuni rei Agagini. Jimajkani Jeoba arhispti Samuelini: “Saulirini jurajkustia, nóterurini kurhajchasïndia”. Samueli  kánikua kómu pʼikuarheraspti ka arhispti Saulini: “Jeoba máteru reini erakuati jimbokari tʼu nóteru kurhajchasïnguia”. Enga Samueli níntani japkia, Sauli jupirhukukuspti xukuparhakua ka karukukueraspti. Samueli arhispti Saulini: “Jeobakini ísï euantaati reinuni”. I ambe arhikuekasïrendi eska Jeoba imani íntskupiringa reinuni enga meru xénchapiringa Jeobani ka kurhajchani.

“Sánderu sésisti kurhandirani eska kéjtsïtakua ma úni” (1 Samuel 15:22).