Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 33

Ruti ka Noemi

Ruti ka Noemi

Israeli, ma tiempu no káni tʼirekua jarhaspti. Jimbosï Noemi, israelita ma, Moabi nípti irekani uámba jingoni ka tsimani uájpa tatakecha jingoni. Tátsekua, uámba uarhispti. Ka uájpechaksï tsimani moabitecha jingoni tembuchaspti: Ruti ka Orpá. Peru tiempu jingoni, Noemiri uájpechajtuksï uarhispti.

Enga Noemi mítipka eska Israeli jarhaspkia tʼirekua, kʼuanhatsintaspti. Ruti ka Orpá niraxaptiksï imani jingoni, peru Noemi arhiaspti: “Chájtsïni sési kámaska jíndeni ka ambakiti uarhiiticheskajtsï. Uékapiringa eskajtsï Moabi níntapiringa ka uambuchantantsï”. Peruksï ima arhispti: “Nóksïni uékasïnga jandiajku jurajkuni jimbokaksïni kánikua uékasïnga”. Noemi méntku úndaspti arhiani eskaksï níntapiringa imecheri iretarhu. Ka Orpá níntaspti, peru Ruti nómbe, jimbosï Noemi arhipti: “Orpá níntastia imeri iretarhu ka imeri diosïcha jingoni. Ní imani jingoni”. Peru Ruti arhispti: “Nókini jurajkuaka. Chíti ireta juchiti ireteuati, ka chíti Tata Diosï juchiti Tata Diosïuati”. ¿Néna pʼikuarherapi Noemi enga Ruti ísï arhipka?

Ruti ka Noemi, jiánksï niáraspti Israeli enga uénapka sebada pʼikunhantani. Ma jurhiani, Ruti niraspti tántani sebada echeri ma jimbo enga Boasiripka, Raabiri uájpa. Boasi mítispti eska Ruti moabita máespka ka eska no jurajkuspka Noemini. Jimbosï arhiapti imeri ánchikuarhirichani eskaksï no iámu pʼikuntapiringa sebada para Ruti tánantani.

 Ima chúrikua, Noemi arhispti Rutini: “¿Naniri ánchikuarhiski iásï?”. Ruti arhispti: “Boasiri echeri jimbo”. Ka Noemi arhispti: “Boasi juchiti achatiri parienti máesti. Seguiri jima ánchikuarhini máteru uátsïcha jingoni, jimari sési jauaka”.

Ruti seguirispti Boasiri echerirhu ánchikuarhini astaka kosecha kʼamakurhipka. Boasi exespti eska Ruti ambakiti uarhiiti máespka ka eska kánikua ánchikuarhirispka. Jiánisï, enga achati ma uarhienga ka no kaani sapiichani, imeri parienti ma úsïrendi tembuntani uarhiitini enga biuda pakaraenga. Jimbosï Boasi tembuntapti Rutini. Kámasptiksï sapini ma ka Obediksï arhinhataraspti. Tátsekua, Obedi niáraspti rei Dabidiri tatiteeni. Noemiri amigaechaksï kánikua tsípixapti ka arhisïrendiksï: “Orheta, Jeobakini Rutini íntskusti engakini xáni sési kámajka. Ka iásïkini nimakuani ma íntskustia. Ju kʼéri ambe arhini Jeobani ini ambe jimbo”.

“Jarhasti amigu ma enga sánderu uékpijka eska ermanu ma” (Proverbios 18:24).