Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 30

Raabi jískaasïndi espiechani

Raabi jískaasïndi espiechani

Engaksï Israeli anapu espiecha nípka Jeriko, uarhiitiri kʼumanchikua ma jimboksï pakaraspti enga Raabi arhinhenga. Enga Jeriko anapu rei mítipka ini ambe, soldaduechani axaaspti Raabiri kʼumanchikuarhu. Raabi, karhakua jískaaspti ini tsimani espiechani ka máteru nani ísï axaaspti soldaduechani. Tátsekua, Raabi arhiaspti espiechani: “Jarhuataakaksïni jimbokani mítiska eska Jeoba chánksïni jingoni jarhaska ka eskajtsï andaaka ini echerini. Jimboetakua, aiachijtsïni je eskajtsï kuájchakuaka juchiti familiani”.

Espiechaksï arhispti Raabini: “Engari jótakuska chíti bentanarhu sïndari charhapiti ma, aiachesïngaksïni eskaksï no ma ambe no sési úkuarhinchaaka ima engaksï chíti kʼumanchikuarhu jauaka. Engari ísï úska, chíti familia salbarikuarhiati”.

Raabi, jarhuataspti espiechani Jeriko uéakuntani sïndari ma jatsikuparini imeri bentanarhu paraksï kétsintani. Espiechaksï tanimu jurhiatikua jirikuarhispti juátecharhisï antedeksï kʼuanhatsintani Josue jingoni. Tátsekua, israelitechaksï parhikuspti ríu Jordanini ka  prepararikuarhisptiksï para andakuarhini echerini. Jeriko primeru iretepirindi engaksï andapiringa. Jeoba juramukuaspti eskaksï pauani pauani uanotapiringa Jerikoni ma uelta. Ka ísïksï úspti seisi jurhiatikua. Peru jurhiatikua siete jimbo, siete ueltaksï uanotaspti. Tátsekua, saserdotichaksï kústaaspti trompetechani ka soldadu israelitechaksï uinhachaspti eskaksï xáni úpka. Ka Jeriko anapu bardechaksï kuarhatsespti. Raabiri kʼumanchikua, bardarhu jarhaspti peru no kuarhatsespti. Raabi ka imeri familia, salbarikuarhespti jimboka Raabi mintsikaspka Jeobani.

“Ka ístu Raabi [...], ¿no jimbosï ambakikua exeminhapi enga sési eroapka imechani engaksï axanhapka paraksï miiuni, ka axaantani máteru xanharu jimbo?” (Santiagu 2:25).