Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 29

Jeoba Josueni erakusïndi

Jeoba Josueni erakusïndi

Moisesi uánikua uéxurhini orhekupaaspti israelitechani, ka iásï, nóteru ióni irekapirindia. Jeoba arhispti: “Nori tʼu páuaka israelitechani Echerirhu engani Aiakuaka. Perukini jurajkuaka parakari exeaka echerini”. Jimajkani, Moisesi arhispti Jeobani eska jimbanhi orhejtsïkutini ma erakupiringa para kuidarini iretani. Ka Jeoba arhispti: “Uandontskuarhi Josue jingoni ka arhi eskani imani erakuska”.

Moisesi arhisïndi iretani eska no ióndani uarhiakia ka eska Jeoba, Josueni erakuspkia para orhekupaani Echerirhu engaksï Aiaminhapka. Jimajkani, Moisesi arhispti Josueni: “Asï ché. Jeobakini jarhuataati”. Ísï no ióni jimbo, Moisesi karharaspti Nebu juáta jimbo. Jima uératini, Jeoba exeraspti echerini enga aiakupka Abraanini, Isaakini ka Jakobuni. Moisesi 120 jatirisptia enga uarhipka.

Jeoba arhispti Josueni: “Parhiku ríu Jordanini ka inchaaku Kanaani. Jíkini jarhuataaka, ísï eskani na jarhuatapka Moisesini. Asï mirikurhi arhintani juchiti Leini pauani pauani. Asï ché, jatsiskari para balori jukani. Ní ka ú iámindu ambe engakini juramuchika”.

 Josue, tsimani espiechani axaaspti Jeriko. Máteru istoriarhu, exeakachi ambeteru úkuarhispi jini. Engaksï espiecha kʼuanhatsintapkia, uandasptiksï eska ambakiti tiempu máespka para inchaakuni Kanaani. Pauandikua, Josue arhispti iretani eska tarhatapiringa ambe ma. Primeru, ríu Jordanirhu axaaspti saserdotichani engaksï arka pakatperakuerini páni japka. Ríu uinhamu iorhexapti, peru engaksï saserdoticha tʼómapka, ríu anhaxurhispti ka kʼarhispti. Ka saserdotichaksï jimesï parhikuspti. Engaksï terujkani niárapkia, jimaksï pakaraspti astaka iámu ireta Israeli parhikupka. Engaksï exepka ini milagruni, ¿miántapiksï ambe enga úpka Jeoba mari Charhapitirhu?

Engaksï iámindu i uéxurhinicha nitamapkia, israelitechaksï iásï kʼóru inchasptia Echerirhu engaksï Aiaminhapka. Úpirindiksïa uaani kʼumanchikuechani ka kʼérati iretechani. Úpirindiksï jatsikuni ambe ma kampuecharhu, ubasï ambe ka uertechani uaani. Echeri máespti enga kánikua lechi ka tékolmena japka.

“Jeobakini méntkisï orhechipaati ka íntskuatikini ambe ma asta imani echeri jimbo enga kʼarhindeka” (Isaías 58:11).