Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 38

Jeoba íntskusïndi uinhapikua Sansonini

Jeoba íntskusïndi uinhapikua Sansonini

Uánikua israelitechaksï ménderu uénaspti idoluechani kómarhiani. Jimbosï Jeoba jurajkupti eskaksï filisteuecha juramupiringa israelitecheri paisirhu. Peru jarhasptiksï máru israelitecha engaksï xénchenga Jeobani, komu Manóa. Ima ka imeri témba, nóksï ma sapini kánguarhisïrendi. Ma jurhiatikua, Jeoba axaspti ánjilini ma paraka arhipiringa Manóaueri témbani: “Sapindi ma kánguarhiaka enga salbariuauaka israelitechani filisteuecheri. Ka nasareu máeuati”. ¿Mítiskiri néspiksï nasareuecha? Jindesptiksï Jeobaeri marhuaricha engaksï espesialipka ka engaksï no méni jatsipka para kuinakuarheni.

Tátsekua, andajpenuspti Manóa uájpa ka Sansoniksï arhinhataraspti. Enga kʼépkia, Jeoba kánikua uinhapikua íntskuspti. ¡Úsïrendi uándikuni leonini ma imeri jájkicha jingontku! Ma xanhari, jandiajku uándikuaspti 30 filisteuechani. Jimboksïsï filisteuecha xáni ikiakuendi ka uékasïrendiksï mítini néna uándikuni. Ma chúrikua, enga Sansoni Gasa kʼuíni japka, imeri enemiguechaksï niraspti imani ireteri puertecharhu ka jimaksï erokaspti paraksï uándikuni pauandikua tsípku. Peru terujkani chúri, Sansoni jauaraspti, niraspti iretarhu anapu puertecharhu ka pʼikuaspti bardecharhu uératini. Tátsekua, kuíparhapaaspti asta juátarhu karhakua enga Ebroni no iauani japka.

Tátsekua, filisteuechaksï niraspti Dalila jingoni uandontskuarhini, enga Sansoniri nobiauepka ka arhisptiksï: “Kánikuaksïni meiamuaka engari úska mítini andisï Sansoni xáni uinhapi. Jimbokachi uékasïnga jupikani ka ónhani”. Dalila uékasïrendi tuminani, jimbosï uékapti jarhuataani. Orhetku, Sansoni no uékasïrendi aianguni Dalilani andisï xáni uinhapepi. Peru Dalila inchandimespti astaka Sansoni eiangupka imeri sekretuni ka arhispti: “No méni kuinakuarhexaka jimbokani nasareueska. Engajtsïni kuinapiringa, tsïtapiringa juchiti uinhapikua”. Sansoni kánikua no sési úspti enga eiangupka Dalilani, ¿no ísïski?

 Dalila seguirispti arhiani filisteuechani: “¡Mítiskia imeri sekretuni!”. Tátsekua, úspti eska Sansoni imeri jurhintskuecharhu kʼuípiringa ka uandajpaspti nemani para kuinani. Jimajkani Dalila uinhachaspti: “¡Sansoni, filisteuechaksï ixú jarhasti!”. Ima tsínharhispti ka kuenta íntskukuarhispti eska nóteru uinhapespkia. Filisteuechaksï jupikaspti, sieguksï pakataspti ka ónhasptiksï.

Ma jurhiatikua, uánikua filisteuechaksï tánguarhintaspti imecheri diosï Dagóniri templurhu ka uinhachasïrendiksï: “Juchari diosï ústi eskachi jupikapiringa Sansonini. Peta je parajtsïni tsíperani sáni”. Ka tsimani pilaricharhuksï péraspti ka teresmarhusptiksï. Sansoni uinhachaspti: “Oh, Jeoba, jimboetakua, íntskurini ménderu uinhapikua”. Ka komu iórhatantapkia jauiri, úspti pʼákchakuani tsimani pilarichani templueri. Jimajkani, edifisiu kuarhatsespti ka uándikuaspti iáminduechani engaksï jima japka. Sansonijtu jima uarhispti.

“Parani úni iámindu ambe, uinhapikua jatsiska imani jimbo engarini uinhaperantajka” (Filipusʌ 4:13TNM).