Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 13

Jakobu ka Esau sésiksï arhijperantasïndi

Jakobu ka Esau sésiksï arhijperantasïndi

Jeoba aiakuspti Jakobuni eska kuájchakupiringa, ísï eska na úpkia Abraani ka Isaaki jingoni. Jakobu ireta Arani pakaraspti irekani. Jima tembuchaspti, uánikua sapiichani kánguarhiaspti ka riku úkuarhispti.

Ísï tátsekua, Jeoba arhispti Jakobuni: “Kʼuanhatsinta chíti táticheri echerirhu”. Jimbosï Jakobu ka imeri familia uénapti imani kʼéri biajini. Engaksï nirani japkia, imeri jántspirichaksï máru niraspti arhini: “Chíti ermanu Esau jurhaxatijtsïni andarherani 400 achaticha jingoni”. Jakobu chéxapti eska Esau no sési úkupiringa imani ka imeri familiani. Jimbosï kómarhipti Jeobani: “Jimboetakua, kuájchakurini juchiti ermanueri”. Ka ísï pauandikua, Jakobu intsïkuarhiaspti ka axakuani Esauni uánikua karichichani, chibuechani, uákasïchani, kameiuechani ka burruechani.

Ima chúrikua, enga Jakobu jandiajku pakarapka, ánjilini ma exespti. Ánjili uénaspti uarhipeni imani jingoni ka ísïksï erantskutaspti. Ka nájkiruka lastimarikuarhipka, Jakobu no kuatantaspti. Ánjili arhispti: “Jurajkurini parani níntani”. Peru Jakobu arhispti: “Nómbe, astakarini újchakuraaka”.

Tátsekua, ánjili újchakuraspti Jakobuni. Iásï kʼóru Jakobu mítisptia eska Jeoba no jurajkupiringa eska Esau no sési ambe úkupiringa.

Ima tsípa, Jakobu iauani uératini eraaspti Esauni ka 400 achatichani. Antesi uéraspti eska imeri familia para  kúmani Esauni ka enga andarherani japkia, siete uelta tinguixurhikuspti. Esau uiriispti andarherani Jakobuni ka kamapchakuspti. Tsimarhanksï ueraspti ka sésiksï arhijperantaspti. ¿Exesïniri eska Jeoba jeiapanhintapka ambe enga Jakobu úpka?

Ísï tátsekua, Esau kʼuanhatsintaspti imeri kʼumanchikuarhu ka Jakobu seguirispti imeri biaji jingoni. Jakobu 12 sapiichani kaasïrendi: Rubeni, Simeoni, Lebi, Juda, Dani, Neftali, Gadi, Aseri, Isakari, Sabuloni, Jose ka Benjamini. Sánderu orhepatini, Jeoba salbaripirindi imeri iretani Joseni jimbo, Jakobueri uájpa ma. ¿Uékasïniri mítini néna? Ju exeni.

“Uéa je chári ikiatspitichani, [...] ka kómarhijpikuani imechani engaksïni no sési arhijka ka nóksïni sési kámani, parakajtsï jindeuaka uájpecha chári Tátiri enga auandarhu jaka” (Mateu 5:44, 45).