Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 4

Uándikusïndi imeri ermanuni xáni ikiani

Uándikusïndi imeri ermanuni xáni ikiani

Engaksï Adani ka Eba petanhantapkia jardini de Edenirhu, kánguarhiasptiksï uánikua sapiichani. Enga orhetipka, Kaini arhinhasïrendi ka fruta ka berdura ambe jatsikusïrendi. Enga Kainini chúngumenga, Abeli arhinhasïrendi ka karichi erangutispti.

Ma jurhiatikua, Kaini ka Abeli úkusptiksï kéjtsïtakua ma Jeobani. ¿Mítiskiri ambeski kéjtsïtakua ma? Regalu espesiali ma para Tata Diosï. Jeoba tsitisïndi Abeliri kéjtsïtakuani, peru Kainirini nómbe. Jimbosï Kaini kánikua ikiapti. Ka Jeoba arhispti eska enga seguiripiringa ikiani, úpiringa no sési ambe úni, peru ima no kurhajchaspti.

Arhispti Abelini: “Ju juátarhisï”. Ka engaksï tsimarhantku japkia, Kaini ataspti imeri ermanuni ka uándikuspti. ¿Ambe úspi Jeoba? Kastigarispti Kainini, iauanisï  axaparini para nóteru familia jingoni jarhania. Nóteru méni úpirindia kʼuanhatsintani.

¿Ambechi jorhenguarhisïni? Engajtsïni ambe ma no sési uérachiska, jamberichi ikiauaka. Peru engachi pʼikuarheraska eskachi sánderu ikiaxakaia, o engajtsïni nema arhiska eskachi kurhuri jáxexaka, jatsiskachi para pʼíngukuarhini ka mójtakurhini antedechi no sési ambe úni.

Abeli kánikua uékasïrendi Jeobani ka sési jámasïrendi, jimbosï Jeoba no méni mirikurhiati. Ka tsítantaati enga paraisu ma úntaakia echerini.

“Ní orheta puátantani chíti ermanutini. Ka tátsekua kʼuanhatsinta ka íntspi chíti kéjtsïtakuani” (Mateu 5:24).