Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 5

Noeri arka

Noeri arka

Sánhani arhispti uáninhani echerirhu. Peru sáno iáminduechaksï no ambakespti. Asta ánjilichaksï máru niáraspti no ambakiti úkuarhini. Jurajkusptiksï imecheri irekua auandarhu ka kétsisptiksï echerirhu. ¿Mítiskiri para ambe? Paraksï kʼuiripu úkuarhintani ka únksï tembuchani nanakecha jingoni.

Ánjilichaksï kánguarhiaspti sapiichani nanakecha jingoni. Engaksï sapiicha kʼérapkia, niárasptiksï kánikua uinhapini, uarhipiti úkuarheni ka no sési kámani kʼuiripuni. Jeoba no úpirindi jurajkuni eska inde ambe úkuarheni japiringa. Jimbosï eratsipti kʼamajkuani no sési úrichani dilubiu ma jimbo o kʼéri janikua ma.

Peru jarhaspti achamasï ma enga ambakitipka, jimboka uékasïrenga Jeobani. Noe arhinhasïrendi. Kámasïrendi témbani ka tanimu uájpechani: Semi, Kami ka Jafeti. Íksï tembuchatixapti. Jeoba arhispti Noeni eska úpiringa arka ma, enga jindepka kʼéri ma kaja chkariri enga no uekamepiringa. Ísïksï úpirindi tsípiti pakarani Noe ka imeri familia Dilubiurhu. Tata Diosï ístu arhispti Noeni eska incharaapiringa animalichani arkarhu paraksï íjtu tsípiti pakarani.

Noe seguirispti uénani úni arkani. Ima ka imeri familia, 50 uéxurhini ísïksï ióndaspti úni. Ka ísïksï úspti eska Jeoba na arhiapka. Imani 50 uéxurhini jimbo, Noe eianguspti kʼuiripuni eska jupiringa Dilubiu ma, peru no nema kasu úkuspti.

Niárasptia jurhiatikua para arkarhu inchani. ¿Uékasïniri mítini ambe úkuarhispi tátsekua?

“Jimboka eska na úkuarhipka jimajkanisï enga Noe irekani japka, ístu úkuarhiaka enga Uájpa Achatiri junguaka” (Mateu 24:37).