Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 95

No ma ambe úsïndi pʼínguani

No ma ambe úsïndi pʼínguani

Achati ma enga no uénga xanharani, méntkisï templurhu uaxamukusïrendi tumina kurhajkuarhini. Xatini ma, exespti Pedruni ka Juanuni engaksï jurhani japka templurhu ka arhiaspti: “Jimboetakua, íntskujtsïni je ambe ma”. Pedru arhispti: “Uákakini íntskuni sánderu ambakiti ambe eska tumina. Jesusiri nombri jimbo, ¡jauara ka xanhara!”. Jimajkani Pedru jarhuataspti para jauarani, ka achati úndaspti xanharani. Kʼuiripu kánikua tsípispti engaksï exepka milagruni ka uánikuaksï jakajkuti úkuarhispti.

Peruksï saserdoticha ka saduseuecha kánikua ikiaspti. Jupikaasptiksï apostulichani, ka paasptiksï tribunalirhu enga Sanedrini arhinhaenga ka arhiasptiksï: “¿Néksïni íntskuski uinhapikuani para tsinani indeni achatini?”. Pedru arhiaspti: “Jesukristujtsïni íntskusti uinhapikua, ima engajtsï cha uándikuka”. Relijioniri orhejtsïkutichaksï uinhachaparini arhiaspti: “¡Ásteru uandanta jeia Jesusiri ambe!”. Apostulichaksï arhiaspti: “Jatsiskachi para uandani imeri ambe. Nochi uáka ísku pakarani”.

Jimajkanksï jurajkuspti Pedruni ka Juanuni ka imaksï sóntku niraspti eianguani máteru disipuluechani ambe enga úkuarhipka. Iáminduksï márku kómarhispti Jeobani: “Jimboetakua, jarhuatajtsïni parachi no chéni ka seguirini chíti ambe uandantani”. Jeoba, espiritu santu íntsaspti ka ísïksï úspti seguirini aianhpini ka tsinajpini. Ka sánderuksï uánikua jakajkuti úkuarhesïrendi. Saduseuechaksï xáni enbidiariuasïrendi apostulichani engaksï jamberi ónhaapka. Peru ima chúri, Jeoba ánjilini ma axaspti enga mítakuapka puertechani kárselirhu ka arhiaspti apostulichani: “Ní je ménderu templurhu ka jima eianhpi je”.

Pauandikua, nema niraspti eianguni Sanedrinini: “¡Kárseli iabe jimbo míkuarhitixati, peru achaticha enga cha ónhaaka nóteruksï jarhastia! ¡Templurhuksï aianhpixati!”. Ísï jimbo, ménderuksï jupikaaspti apostulichani ka  Sanedrinirhuksï paaspti. Kʼéri saserdoti arhiaspti: “¡Arhispkaksïnia eskajtsï nóteru aianhpipiringuia Jesusiri ambe!”. Pedru arhispti: “Jatsiskachi para sánderu kurhajchani Tata Diosïni komu juramuti eska kʼuiripuechani”.

Relijioniri orhejtsïkutichaksï xáni ikiaxapti engaksï uékenga uándikuani apostulichani. Peru fariseu ma enga Gamalieli arhinhaenga, anhaxurhispti ka arhiaspti: “¡Xéparini je! Ma repentku Tata Diosï ini achaticha jingoni jati. ¿Merujtsï uékasïni Tata Diosï jingoni uarhipeni?”. Imaksï kasu úkuspti. Jurajkuasptiksï, peruksï orheta pirimu jimbo ataaspti ka ménderuksï arhiaspti eskaksï nóteru aianhpipiringuia. Peru i ambe no pʼínguaspti apostulichani. Seguirisptiksï eianhpini no chéparini templurhu ka kʼumanchikuecharhu.

“Uétarhisïndi eska jucha sánderu janhanharhiaka Diosïni ka eska kʼuiripuechani” (Ukuecha 5:29).