Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 99

Kárseliri kuári ma jorhenguarhisïndi jurhimbikuani

Kárseliri kuári ma jorhenguarhisïndi jurhimbikuani

Filipusi, uátsï ma jarhaspti enga jántspiripka ka enga uénga adibinarini ambe úkuarhipirini jimboka demoniu ma incharhetixapka. Ka kánikua tumina andasïrendi para imeri dueniuecha. Engaksï Pablu ka Silasi Filipusi niárapka, uátsï úndaspti iápurisï chúxapaani uánikua jurhiatikua. Demoniu úsïrendi eska uátsï uinhachapiringa: “Íksï achaticha, Sánderu kʼéri Tata Diosïri jántspiristi”. Últimu, Pablu arhispti demoniuni: “¡Juramuchesïngakini Jesusiri nombri jimbo eskari uérhintaaka uátsïni!”. Ka demoniu uérhintaspti.

Engaksï imeri dueniuecha exepka eskaksï nóteru úpiringia tumina andani uátsï jimbo, kánikuaksï ikiaspti. Antsikupasptiksï Pabluni ka Silasini nani engaksï japka juramuticha ka juesicha ka arhiasptiksï: “¡Íksï achaticha no kurhajchasïndi leini ka uénastia mámaru ambe uandanhani!”. Juesichaksï juramuspti eskaksï atapiringa Pabluni ka Silasini ka eskaksï ónhaapiringa. Kárseliri kuári, iauani inchanhikua péraaspti, enga sánderu pápkandipka. Ístu, sepurhu péraaspti, jóndukupariani tablecha máru jimbo.

Jimajkani, Pablu ka Silasi úndasptiksï pireni para kʼéri ambe arhini Jeobani ka ima engaksï ónhakata japka, kurhauasïrendiksï. Ka terojkani chúri, kʼéri ma jenchespti ka iámu kárselini manataspti. Iámu puertechaksï mítakuarhispti ka kueratakuarhesptiksï kadenecha ka sepuecha. Kuári, uiriipaspti inchani asta jima enga Pablu ka Silasi japka ka exespti eskaksï puertecha mítakuarhitixapka. Eratsispti eska iámindu engaksï ónhakata japka, sïpakuarhispkaksï, jimbosï espada ma jupikapti para uándikukuarhini.

Peru Pablu uinhachaspti: “¡Asï ambe ma úkuarhi! ¡Iáminduchi ixú jarhaska!”. Kárseliri kuári uiriispti nani enga Pablu ka Silasi japka ka kʼutitsekuaspti. Ka arhiaspti: “¿Ambe uá parani pʼímutantskateni?”. Imaksï arhispti: “Tʼu ka imecha engaksï tʼunguini jingoni irekaka, jatsiskajtsï para Jesusini jakajkuni”. Jimajkani, Pablu ka Silasi jorhendaasptiksï Jeobaeri ambe, ka kuári ka iámindu imeri kʼumanchikuarhu anapuecha, itsï atakuarhisptiksï.

“Kʼuiripuechaksïni jupikaati ka no sésiksïni kámaati, ka pératiksïni tiostecharhisï ka ístu ónhanksïni kʼataperakuecharhu, ka juchiti nombri jimbo, péranhakajtsï reichani ka juramutichani japarini. Peru iámindu i ambe marhuauati parajtsï mítitarpini juchiti ambe” (Lukasʌ 21:12, 13).