Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 80

Jesusi erakuasïndi 12 apostulichani

Jesusi erakuasïndi 12 apostulichani

Enga Jesusi ma uéxurhini ka terujkanisï páni japkia aianhpini, jatsispti para úni ma ambe enga kánikua jukaparhapka. ¿Néchani erakuapirini paraksï imani jingoni ánchikuarhini ka orhekupanksï kúnguarhikuani? Ante de erakuani apostulichani, Jesusi jirinhaspti Jeobaeri jarhuajperata. Jimbosï nípti juátarhu ma para jandiajku jarhani ka erantskutaspti kómarhini. Pauandikua, Jesusi tánaspti máru disipuluechani ka erakuaspti imeri 12 apostulichani. ¿Náki nombrichaniri mítiaski? Arhinhasïrendiksï Pedru, Andresi, Santiagu, Juanu, Felipi, Bartolome, Tomasi, Mateu, Santiagu Alfeo uájpa, Tadeu, Simoni ka Judasï Iskarioti.

Andresi, Pedru, Felipi, Santiagu

Íksï 12, Jesusi jingoni jámasïrendi. Ima sánhani arhispti jorhendaani néna aianhpini ka tátsekua axaaspti aianhpini. Ístu, Jeoba uinhapikua íntsaspti paraksï petarhitpintaani demoniuechani ka tsinajpini.

Juanu, Mateu, Bartolome, Tomasi

Para Jesusi, 12 apostulichaksï imeri amiguespti ka ima mintsikaasïrendi. Fariseuechaksï eratsisïrendi eskaksï apostulicha ísku  nemespka engaksï no ma ambe mítipka. Peru Jesusi no ísï exeasïrendi. Ima sési preparariuaspti paraksï úni imecheri ánchikuarhitani. Imaksï Jesusi jingoni japirindi jiáni enga jukaparhakua ambe úkuarhipiringa imeri irekuarhu. Por ejemplu, Jesusi jingonksï japirindi antesi de ima uarhini ka enga tsíntapiringuia. Sáno iámindu apostulichaksï Galilea anapuespti, ísï eska Jesusi. Ka máruksï tembuchatixapti.

Santiagu Alfeo uájpa, Judasï Iskarioti, Tadeu, Simoni

Apostulichaksï pekadorispti, jimboksïsï no uéndi iámu ambe sési úni. Méniksï no eratsiparini uandasïrendi ka nóksï úni sési erakuni ambe ma. Nóksï méntkisï xarhatasïrendi tekantskua. Astaksï uinhachatsperasïrendi paraksï exeni né sánderu kʼérispi. Peru ambakiti kʼuiripuechesptiksï engaksï uékaenga Jeobani. Imaksï uénapirindi jarhani kúnguarhikua kristianarhu para kʼéri ma ánchikuarhita úni enga Jesusi nóteru japiringia.

“Juchiti amigu[eskajtsï] jimbokaksïni ji eianguska iámindu ambe engani kurhajchaka juchiti Tátini” (Juanu 15:15).