Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 71

Jeoba kuájchakusïndi Jesusini

Jeoba kuájchakusïndi Jesusini

Israeliri esterhisï, ireta ma jarhaspti nani enga jakajkunhenga eskaksï estreiecha úsïrenga orhekupaani. Ma chúri, máru achaticha Orienteri, exesptiksï auandarhu ambe ma enga ísï xarharaenga komu estreia meremeresï ma enga manakuarhienga ka chúngumasptiksï. Ima “estreia” asta Jerusaleni paaspti. Ima achatichaksï kurhanguarhipaspti: “¿Nani jarhaski sapi enga judiuecheri reiuaka? Uékasïngachi tinguixurhikuni”.

Jerusaleni anapu rei Erodesi, kurhaaspti ima jimbanhi reiri ambe. Kánikua uandanhiaspti ka kurhamarhiaspti kʼérati saserdotichani: “¿Nani jatsispi para andajpenuni ima rei?”. Imaksï arhispti: “Profetechaksï uandaspti eska Beleni andajpenupiringa”. Jimbosï Erodesi pʼitajkuarhiapti Orienti anapu achatichani ka arhiaspti: “Ní je Beleni ka jirinhanta je sapini. Tátsekua jungua je ka aianguakajtsïni nani jarhaski, jimbokani jíjtuni uékasïnga tinguixurhikuni”. Peru chkuanderakua máespti.

Ima “estreia” úndaspti manakuarhini ménderu, ka achatichaksï chúngumaspti asta Beleni jamberi. Jimajkani “estreia” kʼumanchikuarhu ma anhaxurhispti, achatichaksï inchaspti ka exentasptiksï Jesusini amamba jingoni. Tinguixurhikusptiksï sapini ka regalu ambeksï íntskuspti: oru, insiensu, ka mirra ambe. Peru ¿meru Jeoba axaapi ima achatichani nani enga Jesusi japka? Nómbe.

Ima chúri, Jeoba arhispti Joseni tsánharhikuarhu ma: “Erodesi uékasïndi uándikuni Jesusini. Kéndita ixú uératini chíti uarhiitini ka chíti sapini, Ejiptu ní je. Jima pakara je ka asï jungua je astakaksïni ji arhiaka eska nóteru jarhaskia peligru”. Jimbosï Jose ka imeri familia seguiripti nirani Ejiptu.

Ístu, Jeoba arhiaspti Orienti anapuechani eskaksï no kʼuanhatsintapiringa Erodesi jingoni. Enga Erodesi mítipka eskaksï no kʼuanhatsintapiringa, kánikua ikiaspti.  Uándikutarkuarhiaspti iámu Beleni anapu sapiichani engaksï májkueni jatiripka eska Jesusi, jimboka no úspka exentani Jesusini. Peru Jesusi no ma ambe úkuarhinchaspti jimboka asta Ejiptu jarhaspka.

Tiempu jingoni, Erodesi uarhispti. Jimajkani Jeoba arhispti Joseni: “Nóteru jarhastia peligru. Uákajtsïa kʼuanhatsintani”. Jose, Maria ka Jesusi, kʼuanhatsintasptiksï Israeli ka Nasaretiksï pakaraspti irekani.

“Juchiti uandakuecha engani uandaajka [...] kumpliriuatiksï imani ambe engani jimbo uandaakia” (Isaías 55:11).