Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 72

Enga Jesusi 12 uéxurhini jatiripka

Enga Jesusi 12 uéxurhini jatiripka

Jose ka Maria, Nasaretiksï irekaspti ka ístu Jesusi ka máteru imecheri uájpecha. Jose karpinterueni ánchikuarhisïrendi para mantenerini imeri familiani. Ístu jorhendaasïrendi Jeobaeri ambe ka imeri Leiri ambe. Iámu familia pʼindespti nirani sinagogarhu Tata Diosïni kómarhini ka ístu Paskuani úntani Jerusaleni mándani uéxurhini.

Enga Jesusi 12 jatiripka, imeri familia kʼéri ma biaji úspti para Jerusaleni nirani, ísï eska méntkisï. Iretarhu uánikua kʼuiripu jámaxapti enga ístu nípka Paskuani kʼuínchini. Enga kʼuínchikua kʼamakurhipkia, Jose ka Maria úndasptiksï níntani eratsiparini eska Jesusi familiaricha jingoni níntaxapka. Peru engaksï jirinhantapka grupurhu, nóksï exentaspti.

Jimboksïsï kʼuanhatsintapti Jerusaleni ka tanimu jurhiatikuaksï jámaspti jirinhantani uájpani, astakaksï exentapka templurhu. Jima jarhaspti Jesusi, jorhentpiricheri terujkani uaxakatini, kurhajchaani ka ambakiti kurhamarhikuechani úkuani jarhani. Jorhentpirichaksï ísku  pakaraspti imani ambe jimbo enga Jesusi uandani japka, jimboksïsï úndapti kurhamarhini ambe ma. Ískuksï pakarasïrendi imeri mókuntskuecha jimbo. Kuentaksï íntskukuarhispti eska ima sési kurhangusïrenga Jeobaeri Leini.

Jose ka Maria, kánikuaksï uandanhiaxapti. Maria arhispti: “Iju, iápuru ísïksïni jirinhantaxapka. ¿Naniri jarhaspi?”. Ka Jesusi arhispti: “¿Nójtsï mítispi eskani jatsiska para juchiti Tátiri kʼumanchikuarhu jarhani?”.

Jesusi kʼuanhatsintaspti imeri táticha jingoni Nasareti. Jima, Jose jorhendaspti Jesusini para karpinterueni. ¿Nari exesïni? ¿Na jásï kʼuiripu máepi Jesusi enga tumbiipka? Jesusi seguirispti kʼéni ka sánderu jánhaskati úkuarheni. Ka jimbosï Tata Diosï ka kʼuiripu sánderu uékaendi.

“Úni ambe enga tʼu uéjka, oh juchiti Tata Diosï, tsípikuarhita máesti para ji, ka chíti lei juchiti mintsitarhu jarhasti” (Salmo 40:8).