Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 63

Karakata ma paredirhu

Karakata ma paredirhu

Enga nitamapkia tiempu, Belsasari niáraspti Babiloniaeri reiini. Ma chúrikua, kʼéri kʼuínchikua ma úspti para mili kʼuiripu. Imaksï jindespti sánderu kʼéri ambe paisirhu. Belsasari arhiaspti jántspirichani eskaksï petaapiringa basuechani orueri enga Nabukodonosori paapka Jeobaeri templurhu uératini. Belsasari ka imeri inbitaduechaksï imani basuechani orueri úraaspti ka kómarhiasptiksï imecheri idoluechani. Ka ma repentku, xarharaspti kʼuiripueri jájki ma enga uénapka karanharhitani máru uandakuechani paredirhu, jima enga tʼirenhani japka.

Belsasari kánikua chéspti. Uandajpaaspti imeri maguechani ka aiakuaspti: “Ima engarini explikaricheska ambe arhikuekasïni i karakata, terseru sánderu kʼériuati Babilonia”. Jimboksïsï jánguarhintapti, peru no nema úspti explikarini imani mensajeni. Tátsekua, niáraspti reina ka arhispti: “Achamasï ma enga Danieli arhinhajka, explikarikuasïrendi Nabukodonosorini tsánharhikuechani ka asertijuechani. Imakini uáti eianguni ambeksï arhikuekasïni i uandakuecha”.

Danieli niraspti exeni reini. Enga niárapka, Belsasari arhispti: “Engari úska arhintani ka explikarini ini mensajeni, jukajchakuakini ma íntskuaka orueri ka terseru sánderu kʼériuakari Babilonia”. Danieli arhispti: “No uékaasïnga regaluechani. Perukini eianguaka ambeksï arhikuekasïni i uandakuecha. Chíti táti Nabukodonosori, kʼéramakuarhisïrendi ka Jeoba úspti eska kaxumbitiipiringa. Tʼuri mítiska ambe enga xáni nitamanchapka chíti táti ka útasïri no respetarisïnga Jeobani. Úraaskari basuechani orueri engaksï imeri templueripka parari binu arhani. Jimbosï Tata Diosï karaati i uandakuechani: MENÉ, MENÉ, TEQUEL ka PARSÍN. I ambe arhikuekasïndi eskaksï medu ka persecha kʼamajkuaka Babiloniani ka eska tʼu nóteru reiuakia.

Ísï xarharasïrendi enajki no nema úpirini Babiloniani kʼamajkuni.  Kuájchakukata jarhaspti kʼérati bardecha jimbo ka ríu ma jimbo enga kánikua jauamepka. Peru ima mísmu chúrikua, medu ka persechaksï inchaakuspti Babilonia. Persia anapu rei Siru, támu ísï iorheraspti itsïni para ejersitu úni asta puertecharhu niárani. Engaksï niárapka, ¡puertechaksï mítakuarhitixapti! Soldaduechaksï inchaakuspti, mínguarhisptiksï iretani ka uándikusptiksï reini. Iásï, Siru jindesptia Babiloniaeri rei.

Primeru uéxurhini enga juramupkia, Siru uandaspti: “Jeobarini arhisti eskani úntaaka imeri templuni Jerusaleni. Judiuecha engaksï uéjka jarhuajpini, uátiksï nirani”. Jimboksïsï uánikua kʼuanhatsintapti imecheri echerirhu 70 uéxurhini tátsekua enga Jerusaleni kʼamajkunhapka. Ísï kumplirikuarhispti ambe enga Jeoba uandapka. Ístu, Siru íntsantaaspti basuechani orueri ka plateri ka iámu ambe enga Nabukodonosori pápka templurhu uératini. ¿Exeskiri na enga Jeoba Siruni úrapka para jarhuatani imeri iretani?

“Xerenhantastia kʼéri ireta Babilonia, ka iásï solu jindesti ma kʼumanchikua Noambakitiri espirituecheri” (Jaŋaskuecha 18:2).