Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambe engani jorhenguarhijka Bibliaeri

 JORHENGUARHIKUA 2

Tata Diosï kueraasïndi primeru achatini ka uarhiitini

Tata Diosï kueraasïndi primeru achatini ka uarhiitini

Jeoba jardini ma úspti jima enga Edeni arhinhaenga. Jima, uánikua tsïtsïki jarhaspti, anhatapu ka animalicha. Tátsekua, echeri úraparini ka pʼunirhukuparini, úspti primeru achatini, Adanini. ¿Mítiskiri ambe úkuarhespi tátsekua? ¡Adani uénaspti irekani! Jeoba arhispti eska kuidaripiringa jardinini ka eska jatsikuapiringa nombri iámindu animalichani.

Jeoba juramukua ma íntskuspti Adanini enga kánikua jukaparhakuepka. Arhispti: “Uákari iámindu anhatapueri fruta arhani, menosi máechakueri enga espesialika. Engari arhaska indeni anhatapueri frutani, uarhiakari”.

Ísï tátsekua, Jeoba uandaspti: “Jarhuajpiri ma úkuaka Adanini”. Jimbosï úpti eska Adani uinhamu kʼuípiringa ka úraspti Adaniri tsirini ma para témbani úkuni. Eba arhinhasïrendi. Adani ka Eba, niárasptiksï primeru familiaueni. ¿Néna  pʼikuarherapi Adani enga exepka témbani? Xáni tsípixapti enga uandapka: “¡Exe, ambe enga kueraaka Jeoba juchiti tsirini ma jingoni! ¡Iásï kʼóru jarhastia nema enga ísïika eska ji!”.

Jeoba arhispti Adani ka Ebani eskaksï uánikua sapiichani kápiringa ka uinirani echerini. Uékasïrendi eskaksï sési irekapiringa ka márkuksï ánchikuarhini paraksï echerini paraisu ma úni. Xáni sési jándepirindi eska jardini de Edeni. Peru no úspti ísï úkuarheni. ¿Andi? Máteru kapitulurhuchi exeaka.

“Ima enga uénakuarhutki kueraaka kʼuiripuechani, achatini ka uarhiitini kueraas[ti]” (Mateu 19:4).