Exeni ambe enga jataka

Segundu menu jimbo nirani

Índisi jimbo nirani

Jeobaeri testiguecha

Purépecha

Ambakiti ambe enga Tata Diosïrika

 JORHENGUARHIKUA 1

¿Ambe ambakiti ambechi jatsiski para mítini?

¿Ambe ambakiti ambechi jatsiski para mítini?

1. ¿Ambe ambakiti ambejtsïni eiangusïni Tata Diosï?

Tata Diosï uékasïndi eska sési irekanhaaka. Ima uékasïndi kʼuiripuni, jimbosï kueraati Echerini ka iámindu ambe enga jaka. No ióni jimbo, ima mójtakuati iámindu ambe paraka sési irekanhaaka. Ka uaati eska kʼuiripu nóteru kómu nitamakuarhiakia. Arhinta je Jeremías 29:11.

No ma gobiernu úsïndi kénditani uarhiperakuani, pʼamenchakuani ka ni uarhikuani. Peru jarhasti ambakiti ambe engachi jatsika para mítini. No ióni jimbo, Tata Diosïri Reinu kénditaauati iámindu gobiernuechani. Ka ima engaksï kurhajchaaka Tata Diosïni, sésiksï irekaati no ma pʼamenchakua jingoni. Arhinta je Isaías 25:8; 33:24, ka Daniel 2:44.

2. ¿Andisï xáni jukaparhakue eska mítinhaaka i ambakiti ambe?

Kómu nitamakuechaksï kʼamakurhiati enga Tata Diosï kénditaauaka no sési úrichani (Sofonías 2:3). ¿Káni uá i ambe? Biblia uandasptia iámindu i ambe enga iásï úkuarhini jaka. Ka i ambe xarhatasïndi eska Tata Diosïri jurhiatikua axuterku jarhaskia. Arhinta je 2 Timoteo 3:1-5.

3. ¿Ambechi jatsiski para úni?

Jatsiskachi para mítini Tata Diosïri ambe, Bibliani jimbo. Biblia ísïsti eska karakata ma enga ma táti uékpiti axakuajka uájpechani. Arhisïndijtsïni nénachi uá sési irekani iásï ka para méntkisï sánderu orhepatini ixú echerirhu. Máruksï no uékaati eska cha jorhenguarhiaka Bibliaeri ambe. Peru uánikua kóntperatechaksï jarhasti, ísï jimbo, asï jurajku je eskaksïni nema eratsitaaka jurajkuni ini jorhenguarhikuani. Arhinta je Proverbios 29:25 ka Jaŋaskuecha (Apocalipsis) 14:6, 7.