Exeni ambe enga jataka

Segundu menu jimbo nirani

Jeobaeri testiguecha

Purépecha

Na úrakuarhisïni ka na kuájchakunhasïni chári informasioni

Na úrakuarhisïni ka na kuájchakunhasïni chári informasioni

Chári informasioni

Chári informasioni engajtsï axaka, uraati Watchtower Bible and Tract Society of New York, Inc. o máteru kúnguarhikuecha engaksï ini jingoni ánchikuarhijka para ima ambejku engajtsï jimbo axaka. Watchtower Bible and Tract Society of New York, Inc. no nemani íntskusïndi kʼuiripuecheri informasionini, jiánkusï úrajti informasionini enga jindeuaka para úni imani ambe engajtsï cha kurhajkuarhiaka peru orheta jatsisti paraksïni kurhamarhini, o enga jindeuaka seguridadi jimbo o engaksï máru programecha no sési marhuani jauaka o engaksï exeaka eska i ambe marhuauaka para lei ma kumplirini o para enga nema uékaaka fraudi ma úni. Chári informasioni no méni íntspikuarhinhaati, ni mójtakurhini ka ni rentarinhani.

Chári korreu elektroniku

Inde korreu elektroniku engajtsï cha axaaka jiáni engajtsï kuenta ma uáka ini pájinani jimbo, úraakachi para chánksïni jingoni uandontskuarhini enga jauaka ambe ma. Engajtsï ma repentku mirikurhiska chári kontrasenia o na engajtsï arhinhajka ini pájinani jimbo o engajtsï uékaka eskaksïni nema jarhuataaka parajtsï úni inchani chári kuentarhu, jucha mensajiksïni ma axachiaka indeni korreuni jimbo engajtsïni cha íntskuka.

Cookies

Kookiechani jimbo pakarasïndi ima ambe engajtsï cha sánderu tsitijka exeni engajtsï úrajka jw.org. Ejemplu ma jindesti engajtsï cha erakujka idioma ma parajtsï exeni jw.org i ambe kookie ma jimbo pakarasïndi, ísï jimbo engajtsï cha ménderu mítaaka jw.org inde jandiajku erakuati imani idiomani engajtsï cha tsitijka. Kookiechaksï no patsasïndi chári informasionini.

Active Scripting o JavaScript

I pájina jw.org úraasïndi scripts (ima enga uandajka na enga jatsika para ánchikuarhini ma programa) paraka uáka sánderu sési ánchikuarhini i pájina ka para sánderuksïni kókuani informasioni íntskuni. Peru no méni úrasïndi para programaechani jatsiani chári komputadorarhu ka ni para chári informasioni mítini.

Active Scripting o Javascript jatsisti para ánchikuarhini jarhani chári nabegadorirhu paraka i pájina jw.org uáka sánderu sési ánchikuarhini. Sáno iámindu nabegadorichaksï jurajpisïndi para ma úni tixatani o pátani Active Scripting o Javascript, seguni eska ma nani uékaaka inchani Internetirhu. Engajtsï uékaaka mítini néna tixatani o pátani Active Scripting o Javascript, exe je chári nabegadorini jima enga uandajka Ayuda.

Engachi tátsekua jucha uékaaka mójtakuni máru ambe na enga úrakuarhijka ka na enga kuájchakunhajka chári informasioni, ini pájinanchi jimbo uandaaka ambechisï mójtaku, ísïjtsï uáka cha mítini ambe informasionichi intsïnhaa ka na engachi úraaka inde informasionini.