Exeni ambe enga jataka

Jeobaeri testiguecha

Erakuni idiomani Purépecha

Na úrakuarhisïni ka na kuájchakunhasïni chári informasioni

JUKAPARHAKUA AMBE: ENGAJTSÏ ÚRAAKA JUCHARI PÁJINA INTERNETIRI KA ENGAJTSÏNI ÍNTSKUAKA NÁKI UÉJKI CHÁRI DATUECHANI, SÉSIKUAJTSÏNI ÍNTSKUXAKA PARA IÁMINDU IMANI DATUECHANI JINGONI, ÍSÏ ÚRAKUARHINI KA PARA IMA AMBE ENGA KARAKATA JAKA IXÚ, NA ÚRAKUARHISÏNI KA NA KUÁJCHAKUNHASÏNI CHÁRI INFORMASIONI, KUMPLIRIPARINI AMBE ENGAKSÏ UANDAJKA LEICHA KA JURAMUKUECHA ENGAKSÏ IÁSÏ MARHUANI JAKA PARA KUÁJCHAKUANI CHÁRI DATUECHANI.

 RESPETARIUANI CHÁRI DATUECHANI

Aiachesïngaksïni eskachi kuájchakuaka ka respetariuani chári datuechani. I informasionirhu de na úrakuarhisïni ka na kuájchakunhasïni chári informasioni xarhatasïndi na enga úranhaaka juchari pájina Internetirirhu chári datuechani engajtsïni íntskujka o engachi jucha tánaajka. Patsasïngachi sánisï informasioni enga jukaparhakueka, engajtsï inchajka juchari pájina Internetirirhu ka kurhangusïngachi eska jukaparhakueska kuájchakuani chári datuechani ka aiangunksïni na engachi úraajka. Chájtsï uáka exeni sintsïni íntsaua chári datuechani. Engachi úrajka arini uandakuani “chári datuechani”, arhikuekasïngachi imani datuechani komu chári nombri, korreu elektroniku, direksioni postali, númeru telefonueri o náki uéjki máteru informasioni enga marhuajka paraksïni mítini néskijtsï. Chájtsï no afuersa jatsiska para íntspini chári datuechani parajtsï exeni informasionini enga imani particharhu jaka enga jindeka para iáminduecha exeni ini pájina jimbo. Uandakua “pájina” ístu jindesti i pájina Internetiri ka juchari máteru pájinecha komu, apps.jw.org, tv.jw.org, stream.jw.org ka wol.jw.org.

 INFORMASIONI NA ENGAKSÏ ÚRAKUARHIAKA CHÁRI DATUECHA

Dueniu i pájina Internetiri jindesti Watchtower Bible and Tract Society of New York, Inc. (“Watchtower”), organisasioni máesti enga no ma tumina andajka ka enga Nueva York jaka para apoiarini ambe engaksï újka Jeobaeri testiguecha ka ánchikuarhita para jorhentpini Bibliaeri ambe. Engajtsï uékaaka kuenta ma úni, donasioni ma íntspini, estudiu bíbliku ma kurhajkuarhini o náki uéjki máteru ambe enga uétarhiaka parajtsï íntspini chári datuechani, chájtsï jiókuarhixaka ambe enga arhijka parti, na úrakuarhisïni ka na kuájchakunhasïni chári informasioni, ístu eskaksï patsakuarhiaka chári datuecha komputadorecharhu jini Estados Unidos ka eska Watchtower ka máteru organisasionicha engaksï Jeobaeri testiguecha jingoni ánchikuarhijka uánikua paisicharhu tánaaka, úraaka, móskuaka ka patsaaka chári datuechani paraksï úni atenderini chári solisitudini. Juchari organisasioni, relijioni máesti enga interu parhakpinirhu ánchikuarhijka úrapariani uánikua lugarichani. Paraksï úni kuájchakukuarhini datuecha, íksï lugaricha uáti jindeni iretarhu anapu kúnguarhikuecha, sukursalicha ka máteru i járhati organisasionicha engaksï májku kʼéri ánchikuarhijka Jeobaeri testiguecha jingoni.

Ima enga intsïnhauaka chári datuechani, uáti ísï ánchikuarhini seguni na engajtsï íntspiaka chári informasioni pájina Internetirirhu. Por ejemplu, engajtsï donasioni ma íntspiaka para organisasioni legali ma, jimajkani chári nombri ka chári informasioni, axakuarhiati imani organisasioni legali jimbo engaksïni arhiaka jiáni engajtsï íntspini jauaka donasionini. Engajtsï kurhajkuarhiaka estudiu bíbliku ma, axakuarhiati chári nombri ka chári informasioni, sukursalirhu ma enga imani lugarirhu jauaka ka kúnguarhikuarhu ma enga Jeobaeri testiguecherika paraksï atenderini chári solisitudini.

Enga chári paisirhu jaka leicha para kuájchakuani datuechani ka cha uétarhinchani sánderu informasioni, uákajtsï exeni informasioni arini pájina jimbo “Direksionicha para kuájchakuani chári datuechani”.

 DATUECHAKSÏ KUÁJCHAKUKATA JARHASÏNDI KA NO NEMA ÚSÏNDI EXEANI

Kánikuachi jánguarhintasïnga paraka no nema exeaka ka eskaksï sési kuájchakukata jauaka chári datuecha. Úrasïngachi sánderu jimbanhi erramientechani para kuájchakuani ka patsaani datuechani chári informasioni jingoni paraka no nema uáka exeni, etsakuni, úrani, mójtakuni o borrarini enga no sésikua jatsika ka ístu para no aksidenti ma jimbo tsïnchini. Iáminduecha engaksï enkargadu jaka para úrani chári informasioni ka náki uéjki máteru kʼuiripu enga úrajka chári informasioni, jatsistiksï para respetarini chári informasionini paraka máteru nema no exeaka. Patsasïngachi chári datuechani solu imani tiempuni na enga xáni uétarhiaka ka para imani ambe úrani engachi jimbo tánaka o para kumplirini rekisitu legalichani jingoni o para patsaani dokumentuechani.

Úrasïngachi metoduechani parachi tánani iámindu datuechani, komu programechani TLS (seguridad de la capa de transporte), para kuájchakuani chári datuechani mientrasi engaksï redirhu jauaka. Ístuchi úrasïnga ekipu ma programecha jingoni, enga no né uéjki újka inchani imani lugaricharhu engaksï sési kuájchakukata jaka kandadueni járhatichani jimbo, elektroniku jimbo ka enga uétarhijka sésikua kurhajkuarhini para úni inchani. Ka iámindu i ambe úkuarhisïndi para no nema mítini ka kuájchakuni imani informasionini engajtsïni cha íntskujka. Kánikuachi jánguarhintasïnga kuájchakuni informasionini paraka no nema exeaka enga no sésikua jatsika.

 SAPIICHA

Enga ma kʼuiripu ísï exekateuaka komu menori de edadi imani paisi jimbo nani enga inchaka juchari pájinarhu ka íntsaantsïni imeri datuechani ini pájina Internetirirhu, jatsisti para ia sea tátemba o amamba sésikua íntskuni o né enga kuidarini jauaka. Engajtsï cha tátika o ima enga kuidarijka sapini ka sésikuajtsï íntskuni para íntspiani imeri datuechani ini pájina Internetirirhu, jiókuarhixakajtsï eska sapi úraaka ini pájinani seguni ambe enga arhijka ixú.

 MÁTERU PÁJINECHANI ÚRAANI

I pájinarhu, jukaasti bínkuluechani pájinecheri máteru dueniuecheri engachi kontratariuajka paraksï ánchikuarhitechani uáni para jucha (por ejemplu, para uininharhitantani formulariuechani Interneti jimbo). Chájtsï exeaka eskajtsï pájinarhu ma jarhaska enga máteru dueniuerika, jimboka mójtakurhisïnga na enga xarharajka pájina ka ístu ima parti para jirinhantani ambe ma. Engachi erakuni jámajka pájineri dueniu ma asegurarikuarhisïngachi eska kumpliriuasïnga imani mismu normechani para kuájchakuani datuechani ísï eska jucha, ka tátsekuachi seguidu exeni jarhasïnga eska seguirini jauaka kumpliriuani. Engajtsï jatsiauaka kurhamarhikuechani néna kuájchakusïni informasioni pájineri dueniu ma, jimboetakua, imecheri pájina Internetirirhu exe je.

 MÓJTAKUNHANI JARHASÏNDI NA ENGA ÚRAKUARHIJKA KA NA ENGA KUÁJCHAKUNHAJKA CHÁRI INFORMASIONI

Seguiduchi úsïnga eska sánderu sési marhuauaka ka pérani máru botonichani ka máteru ambe i pájina Internetirirhu ka ístuchi jánguarhintasïnga para sánderu ambe pérani ka ambakiti ambe. Engachi ísï méntku ajustarini jarhajka, ka enga ísï mójtakurhini jarhajka leicha ka teknologia ambe, juchajtuchi no xáni iónichani jimbo mójtakuni jarhasïnga na engachi úrajka datuechani. Enga uétarhiaka mójtakuni ambe enga ixú uandajka, uandantasïngachi ini pájina jimbo ambe enga mójtakuarhika paraka cha méntkisï mítiaka ambechi informasioni jatsiski ka nénachi úrasïni.

 ACTIVE SCRIPTING O JAVASCRIPT

Úrasïngachi scripts (secuencias de comandos) paraka sánderu sési marhuauaka juchari pájina Internetiri ka paraksïni sánderu sóntku íntskuni informasioni. No méni úrakuarhisïndi para chári komputadorarhu programechani instalariuani ni para konseguiriuani chári datuechani engajtsïni cha no sésikua íntskuaka.

Active Scripting o Javascript jatsisti para ánchikuarhini jarhani chári nabegadorirhu parakaksï máru particha pájineri uáka sési ánchikuarhini. Sáno iámindu nabegadorichaksï jurajkusïndi eska ma uáka aktibarini o desaktibarini máru botonichani para máru pájinecha Internetiri. Engajtsï uéjka mítini nénaksï aktibarikuarhisïni, exe je imani partini enga jindeka para jarhuajperata jirinhani nabegadorirhu uératini.