Exeni ambe enga jataka

Segundu menu jimbo nirani

Jeobaeri testiguecha

Purépecha

¿Ambeski Watch Tower Bible and Tract Society?

¿Ambeski Watch Tower Bible and Tract Society?

Watch Tower Bible and Tract Society of Pennsylvania jindesti organisasioni ma enga no ma tumina andajka ka enga uaxastanhaka 1884 jimbo, seguni eskaksï na uandajka leicha estado de Pensilvania anapu (Estados Unidos). Jeobaeri testiguechaksï úrasïndi ini organisasioni legalini para jarhuajpini ini ánchikuarhitani enga interu parhakpini úkuarhini jaka, enga jindeka Bibliaechani uáni ka Bibliarhu anapu publikasionichani.

Seguni eska na karakata jaka, ambe enga Watch Tower újka jindesti “relijioniri ambe, jorhentpini ka jarhuajpini”. Peru imecheri ánchikuarhita engaksï sánderu újka jindesti “aianhpini Bibliaeri ambe ka jorhentpini ambe engaksï uandajka ebanjeliuecha Tata Diosïri Reinueri ambe enga tata Jesukristu juramuni jaka”. Ma úsïndi imani organisasioni jingoni úkuarhini enga pʼímarhinhaska, ka no jimboka kánikua tumina íntspiaka. Imecha engaksï ini organisasioni legali jimbo jaka ka engaksï jarhuajpijka, jarhuatasïndiksï Grupuni enga Orhejtsïkuajka iámindu kúnguarhikuechani Jeobaeri testiguecheri.

Máteru juchari organisasioni legalicha

Aparti de Watch Tower Bible and Tract Society of Pennsylvania, Jeobaeri testiguechaksï ístu jatsiasti máteru organisasioni legalichani uánikua paisicharhu. Máruksï úraasïndi nombrichani komueska “Watch Tower”, “Watchtower” o ícheri traduksionichani.

Desdekaksï uaxastanhaka, í organisasioni legalichajtsïni kánikua ambe jarhuatasti úni. Ariksï jindesti máru ambe:

  • Karaasïndiksï ka petaani. Uáskachia sáno 220 miioni Bibliaechani ka sáno 40 miioni Bibliarhu anapu publikasionichani jukari 700 idiomecha jimbo. Pájina jw.org úsïndi eskaksï kʼuiripuecha uáka arhintani Bibliani Internetirhu uératini jukari 120 idiomecha jimbo no ma tumina jimbo ka únksï exeantani mókuntskuechani kurhamarhikuecheri komueska “¿Ambeski Tata Diosïri Reinu?”.

  • Jorhentperakua. Jorhentpesïngachi Bibliaeri ambe. Ejemplu ma, desde 1943, jorhentperakua enga íntsperanhajka Bibliaeri Jorhenguarhikua Galaadiri enga Watchtoweririka ústi eskaksï jukari 8,000 Jeobaeri testiguecha marhuauaka komueska misioneruecha, oksï úni jarhuajpeni indeni ánchikuarhitarhu enga iámu parhakpini úkuarhini jaka ka únksï eska sési uéraaka ánchikuarhita. Ístuksï miioni kʼuiripuecha, engaksï máru no Jeobaeri testigueka, jorhenguarhisïndiksï tánguarhikuecharhu engaksï úkuarhijka kúnguarhikuecharhu mándani semana. Ístuchi organisariasïnga klasechani para jorhentpini karani ka arhintani ka úskachi publikasioni ma 110 idiomechani jimbo paraksï kʼuiripuecha úni jorhenguarhini arhintani ka karani.

  • Máteru jarhuajperatecha. Íntsasïngachi ambe engaksï sánderu uétarhinchani jauaka imechani engaksï no sési ambe nitamanchaka imani ambe jimbo enga kʼuiripu újka o enga no sési ambe úkuarhiaka. Ejemplu ma, jarhuataaskachi imechani engaksï no sési nitamanchani japka enga uándikperanhani japka Ruanda uéxurhini 1994 jimbo ka enga jenchepka Haití 2010 jimbo.

Nájkiruka uánikua ambe úkuarhikia ini organisasioni legalicha jimbo, nóksï xáni uétarhisïndi para orhepani petani eianhperakuani. Jimboka mándani kristianu jatsiska para eianguani kʼuiripuechani ka jorhendaani Bibliaeri ambe (Mateu 24:14; 28:19, 20). Seguruchi jarhaska eskajtsïni Jeoba jarhuatasïnga juchari ánchikuarhitarhu de eianhpini ka eska seguiriuaka úni eska sánhani arhini kʼéni (1 Korintu 3:6, 7).

PARAJTSÏ SÁNDERU MÍTINI

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Nénaksï karakuarhisïni Jeobaeri testiguecheri takukatecha ka nénaksï peentasïni máteru idioma jimbo?

Juchachi uásïnga takukatechani jukari seisientu idioma jimbo. ¿Andichisï xáni jánguarhintajki i ánchikuarhitani úni?