Exeni ambe enga jataka

Segundu menu jimbo nirani

Jeobaeri testiguecha

Purépecha

¿Uá kʼuiripu ma nóteru Jeobaeri testiguenia?

¿Uá kʼuiripu ma nóteru Jeobaeri testiguenia?

Jo. Nema uáti nóteru Jeobaeri testiguenia tsimani ambe jimbo:

  • Kurhajkuarhiparini. Kʼuiripu ma uáti uandakuarhini eska nóteru uékasïngia Jeobaeri testigueni o karakata ma úparini.

  • Imeri jángua jimbo. Kʼuiripu ma úpirindi úni ambe ma enga xarhatapiringa eska nóteru uékasïngia Jeobaeri testiguecheri kúnguarhikuarhu jarhani (1 Pedru 5:9). Por ejemplu, úpirindi máteru relijioni jingoni úkuarhini ka xarhatani eska uékasïnga jima jarhani (1 Juanu 2:19).

¿Ka enga nema nóteru aianhpijkia o nóteru tánguarhinia Jeobaeri testiguecha jingoni? ¿Ísïksï kámasïni enajki nóteru jindeia Jeobaeri testigu?

Nómbe. No májkuenisti nóteru uékania Jeobaeri testigueni ka eska no uinhapiti jatsini jakajkukuani. Sáno méntkisï, imecha engaksï nóteru jánguarhintajkia o engaksï nóteru marhuakujkia Jeobani ma tiempu, ísïksï úsïndi, no jimbokaksï nóteru jatsikia jakajkukua, sino jimbokaksï chkeni pʼikuarherasïnga. Jimbochisï jánguarhintajka uinhaperantaani, jarhuataani ka seguirisïngachi uandajpaani (1 Tesalonika 5:14; Judasʌ 22). Enga ima kʼuiripu uéjka eska jarhuatanhaaka Tata Diosïri ambe jimbo, orheta, kúnguarhikuarhu anapu orhejtsïkutichaksï aiakusïndi jarhuajperata (Galasia 6:1; 1 Pedru 5:1-3).

Peruksï orhejtsïkuticha no sésikua jatsisti para afuersa arhiani eskaksï seguiriuaka Jeobaeri testigueni. Mándani kʼuiripu eratsikuarhiati náki relijioni jimbo jarhani (Josué 24:15). Eratsisïngachi eska ima engaksï marhuakujka Tata Diosïni, jatsiskaksï para ísï úni jimbokaksï uékasïnga ísï úni, mintsita jingoni (Salmo 110:3; Mateu 22:37).

PARAJTSÏ SÁNDERU MÍTINI

KURHAMARHIKUECHA ENGAKSÏ SÁNDERU ÚKUARHIJKA

¿Nóteruksï uandajpaasïni Jeobaeri testiguecha imechani engaksï nóteru imecheri relijioni anapuejkia?

Exe je andisï ménisï uétarhijki eska nema petanhantaaka kúnguarhikuarhu uératini paraka kʼuiripu kʼuanhatsintaaka kúnguarhikuarhu.

¿NÉKSÏ ÚXAKI IÁSÏ AMBE ENGA JEOBA UÉKAJKA?

¿Néskichi Jeobaeri testiguecha?

¿Mítiaskijtsï Jeobaeri testiguechani? ¿Na xánijtsï meru mítiski juchari ambe?

KURHAMARHIKUECHA ENGAKSÏ SÁNDERU ÚKUARHIJKA

¿Xereantasïnksï Jeobaeri testiguecha familiechani oksï májku kʼéri uántaasïni?

Ménisï Jeobaeri testiguechanksï arhiasïndi eskaksï xereantaasïnga familiechani. ¿Peru Testiguecheskiksï engaksï újka eskaksï jauaka arhijperakuecha?