Exeni ambe enga jataka

Segundu menu jimbo nirani

Jeobaeri testiguecha

Purépecha

¿Néna úkuarhisïni estudiu bíbliku ma engaksï Jeobaeri testiguecha íntspejka?

¿Néna úkuarhisïni estudiu bíbliku ma engaksï Jeobaeri testiguecha íntspejka?

Estudiu bíbliku engaksï Jeobaeri testiguecha íntspijka mókuantasïndi uánikua kurhamarhikuechani. Ariksï jindesti máru:

  • ¿Néski Tata Diosï?

  • ¿Uandanhiasïni Tata Diosï jindeni jimbo?

  • ¿Néna uá uinhaperantani juchiti temungurhirikuani?

  • ¿Néna uá ji sési irekani?

Iáiasïchi mókuantauaka máru kurhamarhikuechani engaksï sánderu úkuarhijka de na enga úkuarhijka estudiu bíbliku ma.

¿Néna úkuarhisïni estudiu bíbliku ma? Estudiarisïngachi Bibliani temecha jimbo. Ejemplu ma, engachi jorhenguarhini jauaka ambe ma komueska “na jásïski Tata Diosï” o néna “sési irekani temungurhirikuarhu” exesïngachi Bibliarhu anapu bersikuluechani engaksï inderi ambe uandajka. Engachi na terokutantajkia, úsïngachi exeni eska Bibliasï jorhentpijka indeni ambe, ka engachi no kurhangujka textu ma, Bibliajtsïni mísmu eksplikarichesïndi ambe arhikuekasïni.

Mándani estudiu bíblikurhuchi úrasïnga libruni ¿Ambemindusï jorhentpejki Biblia?, jimboka ambakiti libru máeska. Sési eksplikarisïndi ambe enga uandajka Biblia Tata Diosïri ambe, tata Jesukristueri ambe ka ambe enga úkuarhiaka sánderu orhepatini ka ístu uánikua máteru ambe.

¿Na xáni jukaparhaski estudiu bíbliku ma? Gratisisti, ka nójtsï ambe ma meiampiaka publikasionichani jimbo engachi úrauaka.

¿Na xáni durarisïni mándani estudiu? Uánikua kʼuiripuechaksï estudiarisïndi masomenosi ma ora mándani semana. Joperu, uátiksï mámaru durarini. Seguni eskajtsï cha na xáni tiempu jatsiaka.

¿Ambe úkuarhia engajtsï kurhajkuarhiska estudiu bíbliku ma? Jeobaeri testiguksïni ma pʼorhembiati jima engajtsï cha uáka paraksïni exerani na enga úkuarhijka estudiu bíbliku ma. Engajtsï cha tsitiska ka uékantsï seguirini, Jeobaeri testiguksïni niuati ménderu pʼorhembini.

Engani jiókuarhiska estudiu bíbliku ma, ¿jatsiski parani Jeobaeri testigu úkuarhini? Nómbe. Jeobaeri testiguechachi kánikua tsitisïnga jorhentpini Bibliaeri ambe, ka nochi afuersa úsïnga eska nema Jeobaeri testigu úkuarhiaka. Sánderu sési, eianguasïngachi respetu jingoni ambe enga jorhentpijka Biblia, ka nochi mirikurhisïnga eskaksï ima uáka jandiajku erakukuarheni ambe jakajkuni (1 Pedru 3:15).