Exeni ambe enga jataka

Segundu menu jimbo nirani

Jeobaeri testiguecha

Purépecha

¿Jarhaskiksï nanaka Jeobaeri testiguecha engaksï eianhpirika?

¿Jarhaskiksï nanaka Jeobaeri testiguecha engaksï eianhpirika?

Jo. Iámindu Jeobaeri testiguechachi eianhpiriska, ka juchari kúnguarhikuarhu jarhastiksï miioni engaksï nanakeka. Asta Biblia mísmu uandasïndi: “Nanakecha engaksï eianhpijka ambakiti ambe uánikuestiksï” (Salmo 68:11, La Biblia de las Américas).

Nanakecha engaksï Testigueka seguirisïndiksï ejempluni uarhiiticheri engaksï méntkisï marhuakupka Jeobani engaksï Bibliarhu jaka (Proverbios 31:10-31). Nájkirukaksï no intsïnhajka pribilegiu para orhejtsïkuni kúnguarhikuarhu tsípikua jingonksï aianhpisïndi xanharuecharhisï ka ambakiti ánchikuarhitaksï ma úsïndi engaksï jorhendaajka uájpechani Bibliaeri prinsipiuechani (Proverbios 1:8). Ístu, uandakuecha ka úkuecha jimbo jánguarhintasïndiksï ambakiti ejemplu máeni para máteruecha (Titu 2:3-5).