Exeni ambe enga jataka

Segundu menu jimbo nirani

Jeobaeri testiguecha

Purépecha

¿Mójtakuskiksï Bibliani Jeobaeri testiguecha paraka terokuaka imecheri jakajkukuecha jingoni?

¿Mójtakuskiksï Bibliani Jeobaeri testiguecha paraka terokuaka imecheri jakajkukuecha jingoni?

Nochi méni úska indeni ambe. Sánderu sési, engachi kuenta íntskukuarhijka eska ma ísï juchari jakajkukua no terokuntasïnga sési imani ambe jingoni enga Biblia jorhentpijka, mójtakusïngachi juchari jakajkukua.

Iámindu juchari jakajkukuechaksï Tata Diosïri Karakatarhu pʼitakata jarhasti. Ka nájkirukachi 1950 uénaka petani Traducción del Nuevo Mundo de las Santas Escrituras, ante de inde uéxurhini tʼuinchi kánikua sési estudiarisïrengia Bibliani. Para úni ini ambe úrasïrengachi Bibliaeri traduksionichani engaksï japka. Ju je exeani máru jakajkukuechani engachi jatsiapkia ante de petanchi Traducción del Nuevo Mundo. Cha mísmu exe je sinksï i jakajkukuecha terokuntasïni imani ambe jingoni enga Biblia uandajka.

  1. Ambe engachi jakajkujka: Tata Diosï no Trinidadi máesti. Rebista Zion’s Watch Tower juliueri de 1882 (enga iásï utusï jimbo arhinhajkia La Atalaya) uandaspti: “Ima engaksï arhintajka ini rebistani mítistiksï eska nájkirukachi jakajkujka Tata Diosï Jeobani, Jesusini ka espiritu santuni, nochi jiókuarhisïnga jorhentperakuani eskaksï i jindeska tanimu diosïcha májku kʼuiripurhu, o eskaksï máru na uandajka, májku Tata Diosï tanimu kʼuiripuecharhu, jimboka i jorhentperakua no Bibliarhu pʼitakateska”.

    Ambe enga Biblia uandajka: “Jeoba juchari Tata Diosï, Jeoba májkuesti” (Deuteronomio 6:4, Reina-Valera [RV], 1865). “Solu máechakua Diosï jarhasti enga jindeka Diosï Táti, ka ima jindesti enga kueraaka iámindu ambe, ka ístu jucha jindeska para ima. Ka ístu solu máechakua Patroni jarhasti enga jindeka Jesukristu.” (1 Korintu 8:6, Jimbaŋi Eiatsperakua Tata Jesukristueri [JEJ].) Jesusi mísmu uandaspti: “Táti sánderu kʼéri ambes[ti] ka eskani ji” (Juanu 14:28, JEJ).

  2. Ambe engachi jakajkujka: no ambarhati kʼuiripu no kómu nitamakuarhisïndi infiernurhu para méntkisï. Rebista Zion’s Watch Tower juniueri de 1882 jukaspti tema enga arhinhaenga “Meiampikua pekadueri jindes[ti] uarhikua”. I uandakuecheri engaksï Roma 6:23 pʼitaka jaka, rebista uandasïrendi: “¡Xánksï sési ka fásili kurhangukuarhijka i uandakuecha! Úkua jukasti jakajkuni eska xáni uánikua kʼuiripu engaksï uandajka eska Biblia Tata Diosïri Karakateska inchandimiaka uandani eskaksï inde uandakuecha no ísïska; jakajkusïndiksï, ka uandanksï eska Biblia jorhentpesïnga, eska meiampikua pekadueri jindeska infiernurhu irekani méntkisï”.

    Ambe enga Biblia uandajka: “Alma enga pekadu újka, ima uarhiati” (Ezequiel 18:4, 20, RV, 1865). Kastigu enga Tata Diosï íntsauaka imeri ikiatspitichani no jindesti úni eskaksï méntkisï komu nitamaaka, sino “kʼamajkuani para méntkisï”, eska na uandajka Biblia Nácar-Colunga de 1944 2 Tesalonicenses 1:9.

  3. Ambe engachi jakajkujka: Tata Diosïri Reinu gobiernu máesti, no ambe ma engachi mintsitarhu pájka. Rebista Zion’s Watch Tower disiembriri de 1881 uandaspti arini ambe Tata Diosïri Reinueri: “Enga uaxastanhaaka i Reinu arhikuekaati, eskaksï kʼamajkunhaaka iámindu gobiernuecha Echerirhu anapu”.

    Ambe enga Biblia uandajka: “Ima juramuticheri jurhiatikuechani jimbo, Tata Diosï auandarhu anapu, gobiernu ma uaxastaati enga no méni kʼamajkunhaaka, ka i gobiernu no jindeuati para máteru ireta: sino purundurhiauati ka kʼamajkuauati iámindu ini gobiernuechani: ka imajkusï jauati para méntkisï” (Daniel 2:44, Scío de San Miguel, 1850; ortografía actualizada).

¿Solu Traducción del Nuevo Mundo apoiariuasïni Jeobaeri testiguecheri jakajkukuechani?

Nómbe; Testiguechachi seguirixaka úraani máteru Bibliaechani para mítitarpiani juchari jakajkukuechani. Ísïsti eska engachi aiakujka kʼuiripuni estudiu ma gratisi, ístuchi aiakusïnga no ma tumina jimbo Bibliani Traducción del Nuevo Mundo. Peru, enga nema uékaaka estudiarini úraparini máteru Bibliani ma, tsípikua jingonchi jarhuataaka.