Exeni ambe enga jataka

Segundu menu jimbo nirani

Jeobaeri testiguecha

Purépecha

¿Meiampisïnksï diesmu Jeobaeri testiguecha?

¿Meiampisïnksï diesmu Jeobaeri testiguecha?

Nómbe, Jeobaeri testiguechachi no jatsiska para meiampini diesmuni. Juchari ánchikuarhita úkuarhisïndi imani tumina jingoni engaksï kʼuiripuecha tsípikua jingoni íntspijka. Peru ¿nani uéraski inde pʼindekua para diesmu íntspini, ka andiksïsï Jeobaeri testiguecha no újki?

Lei enga intsïnhapka ióntki anapu ireta Israeli juramusïrendi eskaksï íntsaapiringa diesmu —o desima parti imecheri jatsikuarhikueri ambe— saserdotichani. Biblia uandasïndi eskaksï kristianuecha no jatsiska para kumplirini ini Leini. Ísï jimbo no uétarhisïndi afuersa íntspini diesmu (Ebreu 7:5, 18; Kolosasi 2:13, 14).

Jimajkani enbesi de íntspini afuersa diesmu o máteru jásï kéjtsïtakua, Jeobaeri testiguechachi májkueni úsïnga eska primeru kristianuecha. Imaksï apoiarisïrendi kúnguarhikuani tsimani ambe jimbo: íntspeparini tumina tsípikua jingoni ka eianhpiparini ka jorhentpiparini gratisi Bibliaeri eianhperata.

I ambe terokuntasïndi ini Bibliaeri prinsipiu jingoni: “Jimajkani íntspi je mándani arhini eskajtsï na eratsikata jatsikia chári mintsitecharhu, no pʼamondakuarhiparini ka níjtu komosiekaksïni nema uinhamarhichipiringa, jimboka Diosï imanisï tsípijka exeni enga tsípikua jingoni íntspijka” (2 Korintu 9:7).