Exeni ambe enga jataka

Segundu menu jimbo nirani

Jeobaeri testiguecha

Purépecha

¿Andiksïsï Jeobaeri testiguecha no arhijki iglesia jima enga engaksï tánguarhijka?

¿Andiksïsï Jeobaeri testiguecha no arhijki iglesia jima enga engaksï tánguarhijka?

Bibliarhu, uandakua griegu enga tradusirinhajka komueska “iglesia” arhikuekasïndi kúnguarhikuani —grupuni ma enga Tata Diosïni marhuakujka— no lugarini engaksï tánguarhijka.

Exe je i ejempluni, enga apostuli Pablu karakuapka Roma anapu kristianuechani, uandajperata axakuaspti temungurhirini ma, Ákila ka Prisilani, ka arini ambe uandaspti: “Ístu uandajperata ma para iglesia enga tánguarhijka imecheri kʼumanchikuarhu” (Romanos 16:5, Nueva Versión Internacional). I ambe xarhatasïndi eska Pablu axakuaxapka uandajperata grupuni ma kʼuiripuecheri, kúnguarhikuani enga tánguarhienga imani kʼumanchikuarhu. *

Ísï jimbo, enbesi de arhinhanksï iglesia ima lugaricha engachi tánguarhijka, úrasïngachi nombrini Kʼumanchikua Reinueri.

¿Ka andisï arhinhajki Kʼumanchikua Reinueri Engaksï Jeobaeri Testiguecha Tánguarhijka?

I nombri sési pakarakusïndi ini ambe jimbo:

  • I lugari kʼumanchikua máesti, nani enga tánguarhinhajka.

  • Tánguarhisïngachi para kómarhini Jeobani, imani Tata Diosïni enga Biblia uandajka, ka para uandantani imeri ambe (Salmo 83:18; Isaías 43:12).

  • Ístuchi tánguarhisïnga para sánderu jorhenguarhini Tata Diosïri Reinueri ambe, imani Reinueri enga Jesusi xáni uandapka (Mateu 6:9, 10; 24:14; Lukasʌ 4:43).

Pʼímarhisïngaksïni parajtsï nirani miiuni Kʼumanchikua Reinuerirhu ma enga no xáni iauani pakarajka para cha, parajtsï exeni nénaksï úkuarhisïni tánguarhikuecha Jeobaeri testiguecheri.

^ párr. 3 Sánoksï májkueni arhisïndi ari textuecha 1 Korintu 16:19, Kolosasi 4:15 ka Filemoni 2.

 

PARAJTSÏ SÁNDERU MÍTINI

TÁNGUARHIKUECHA

¿Nénaksï úkuarhisïni juchari tánguarhikuecha?

Exe je nani engachi tánguarhijka ka ambe engachi újka jima.