Exeni ambe enga jataka

Segundu menu jimbo nirani

Jeobaeri testiguecha

Purépecha

¿Jarhuajpisïnksï Jeobaeri testiguecha enga no sési jásï ambe úkuarhijka?

¿Jarhuajpisïnksï Jeobaeri testiguecha enga no sési jásï ambe úkuarhijka?

Jo. Jeobaeri testiguechachi mémindu jarhuatasïnga imechani engaksï no sési jásï ambe nitamanchajka. Íntskuasïngachi ambakiti jarhuajperata Testiguechani ka máteru kʼuiripuechani, úparini eska na uandajka Bibliaeri prinsipiu: “Ju je iáminduechani sési kaani, ka sánderia erachi jakajkutichani” (Galasia 6:10, Táta Diósïri Uandakua Tata Jesukristueri Aiatsperakua). Ístuchi jarhuataasïnga paraksï sési pʼikuarherantani ka íntsasïngachi ambe engaksï uétarhinchajka Jeobaeri ambe jiáni engaksï sánderu uétarhinchajka (2 Korintu 1:3, 4).

Organisasioni

Enga no sési jásï ambe úkuarhijka, jima anapu orhejtsïkutichaksï úndasïndi uandajpaani iámindu imecheri kúnguarhikuarhu anapuechani paraksï mítini nénaksï jarhaski ka ambeksï uétarhinchasïni. Jimajkani, eiangusïndiksï sukursalini ambe enga úkuarhini jaka ka jarhuajperata engaksï íntsaakia.

Engaksï jima anapu kúnguarhikuecha no uáka jarhuataani iáminduechani engaksï uétarhinchajka, Grupu enga Orhejtsïkuajka iámindu kúnguarhikuechani Jeobaeri Testiguecheri uásïndi arregluechani paraksï úni jarhuajpini. Primeru siglurhu sáno májkueni úkuarhispti engaksï uánikua kristianuecha kómu nitamakuarhipka kʼarhingua jimbo (1 Korintu 16:1-4). Sukursali uásïndi komitechani paraksï orhejtsïkuni jarhuajperatani, ka Testiguechaksï máteru nanisï anapu arhutasïndi tiempu ka jatsikuarhikua ambe para jarhuajpini (Proverbios 17:17).

Tumina

Ma parti ima tuminaeri enga tsípikua jingoni íntspinhajka enga sukursalicharhu axanhajka Jeobaeri testiguecheri, úrakuarhisïndi para imechani jarhuataani engaksï no sési nitamakuarhejka (Ukuecha 11:27-30; 2 Korintu 8:13-15). Ka jimboka ima engaksï jarhuajpijka no kobrarisïnga, tumina enga íntspinhajka solu jindesti para jarhuataani imechani engaksï no sési jásï ambe úkuarhinchaka. Ístu jukaparhakuesti eska iámu tumina kánikua kuidadu jingoni úrakuarhesïnga (2 Korintu 8:20).