Exeni ambe enga jataka

Segundu menu jimbo nirani

Jeobaeri testiguecha

Purépecha

Jimbanhi ambe para Manhattan

Jimbanhi ambe para Manhattan

Nobiembrini de 2011, grupu sapichu ma Jeobaeri testiguecheri, eratsisptiksï jimbanhi ambe úni para eska kʼuiripu úpiringa mítini Tata Diosïri Karakateri ambe. Ka paraksï ísï úni, péraasptiksï máru mesechani engaksï kʼuiripuecha tsitipiringa andarheraani jini bajo Manhattan, lugari ma engaksï uánikua kʼuiripuecha nitamajka ka enga sánderu ióni jakaia siudadi de Nueva York.

Ima lugari tʼápuru arhukurhispti, ka mándani lugarirhuksï peeraspti mesechani uánikua publikasionicha jingoni engaksï Bibliarhu pʼitakata jaka ka jima anapu Jeobaeri testiguechaksï atenderiuaspti. Kasi iáminduksï jima no iauani jarhasti engaksï paradecha jaka, ka engaksï uánikua kʼuiripuecha nitamajka pauani pauani jimesïsï.

Kʼuiripuecha engaksï andarherajka ini mesechani úsïndiksï exeantani mókuntskuechani Bibliarhu anapu kurhamarhikuechani. Ka engaksï no tiempu jatsiaka paraksï uandontskuarhini, úsïndiksï pákuarhiani publikasionichani ka tátsekua arhiantani.

Mesecharhuksï jarhasti publikasionicha mámaru járhati idiomecha jimbo ka enga nema uékaaka publikasioni ma enga no jauaka imani idioma jimbo, úsïndi kurhajkuarhini ka nirani pʼíntani no ióndani.

Kʼuiripuecha ka ístu juramuticha kánikuaksï sési exesïndi ini ambe. Ejemplu ma, polisia ma uandaspti: “¡Oresptia eskajtsï ini ambe úpiringa! Chájtsï jatsiska ambe enga kʼuiripu uétarhinchajka”.

Achati ma enga jimesïsï nitamani japka anhakuatsespti enga exepka mesarhu ma libruni ¿Ambemindusï jorhentpejki Biblia? Exeaspti uánikua kʼuiripuechani arhintanksï jarhani libruni metrurhu ka kurhamarhikuarhisïrendi naniksï pʼiraspi. Ka iásï mítisptia naniksï pʼiuaspi.

Tumbi ma méntkisï jimesïsï nitamasïrendi engaksï mesa japka para nirani ánchikuarhitarhu. Ísï tátsekua enga na nitamapkia seisi semana, anhaxurhispti ka arhiaspti Jeobaeri testiguechani eska uétarhinchaxapka jarhuajperata. Ka imaksï kánikua tsípikua jingoni ísï úspti. Íntskusptiksï Biblia ma ka explikarikusptiksï néna sési úrani.

Uánikuaksï anhaxurhisïndi para uandontskuarhini Tata Diosïri ambe, ka kánikuaksï tsípikua jingoni níntasïndi. Diosmeiamu ini jimbanhi ambe jimbo engaksï úka, iásï no ióni etsakunhasptiksï ma kutsï jimbojku 3,797 rebistecha ka 7,986 libruecha.