Exeni ambe enga jataka

Segundu menu jimbo nirani

Jeobaeri testiguecha

Purépecha

Eianhpikua enga interu parhakpini úkuarhipka mítitarpispti pájinani jw.org

Eianhpikua enga interu parhakpini úkuarhipka mítitarpispti pájinani jw.org

Agostuni 2014 jimbo, Jeobaeri testiguechaksï interu parhakpinirhu, etsakusptiksï tratadu ma enga mítitarpenga pájinani jw.org. Ka indeni ambe jimbo, indeni kutsï sáno 65 miioni uelta inchanhasti indeni pájina jimbo, 20% sánderu eska máteru kutsïcha. Sáno 10,000 kʼuiripuechaksï kurhajkuarhispti Bibliaeri jorhenguarhikua ma interu parhakpinirhu úraparini ini pájinani Internetiri, 67% sánderu eska máteru kutsï. I eianhpikua jarhuataspti mámaru járhati kʼuiripuechani.

Para imecha engaksï jirinhajka mókuntskua ma

Pirenchi ma enga Jeobaeri testigueka ka enga Canadá anapueka, uénaspti uandontskuarhikuni uarhiitini ma enga arhinhajka Madeline engaksï elebadorirhu ma japka ka exeraspti trataduni enga arhinhajka ¿Nanijtsï exeantaua mókuntskuechani kurhamarhikuecheri tsípikueri? Madeline uandaspti eska ma chúrikua antesi enga imeri balkonirhu japka kurhakuspti Tata Diosïni, eska jarhuatapiringa exentani indeni kurhamarhikuecheri mókuntskuechani. Kurhakuaspti telefonu jimbo mámaru járhati iglesiaechani eskaksï jarhuatapiringa jorhenguarhini Bibliaeri ambe, peru no nema uandajpaspti o nirani pʼorhembini. Ísï jimbo, seguirispti uénani jorhenguarhini Bibliaeri ambe Jeobaeri testiguecha jingoni.

Para imecha engaksï no mítika Bibliani

Jini Filipinas, Rowena uandontskuarhispti achati ma jingoni enga chino uandaenga jimesïsï enga restaurante ma japka, íntskuspti trataduni ka eianguspti eskaksï Jeobaeri testiguecha íntspesïnga estudiu bíbliku gratisi.

Achati uandaspti eska no méni exexapka Bibliani ma. Ima uandontskuarhita jarhuataspti paraka ima uékapiringa nirani kʼéri tánguarhikua Jeobaeri testiguecheri ma jimbo. Ístu uandaspti eska uékasïrenga sánderu jorhenguarhini ambe enga Biblia jorhentpijka ka eska késkupiringa Bibliani juchari pájinarhu uératini.

Para imecha engaksï no újka kurhaani

Guillermo, enga Jeobaeri testigueka ka enga no újka kurhaani, exejperantaspti Jorge jingoni, enga ístu no újka kurhaani ka enga jingoni ióntki márku jámaenga eskuelarhu. Jorge aianguspti eska imeri amamba uarhispka ka eska uánikua kurhamarhikuechani jatsiaspka inderi ambe. Jimajkani Guillermo íntskuspti trataduni ka arhispti eska úpiringa sánderu ambe mítini pájinarhu jw.org enga mókukuapiringa imeri kurhamarhikuechani idioma seniasi jimbo. Ístu pʼímarhispti para nirani tánguarhikua ma jimbo Kʼumanchikua Reinuerirhu. Jorge niraspti tánguarhikuarhu, ka jimajkani uératini nóteru méni kueratasptia nirani, nájtuka ima 60 kilometru (37 millas) ísï iauani irekaka enga Kʼumanchikua Reinueri jaka.

Para imecha engaksï iauani ísï irekaka

Tsimani temungurhirichaksï engaksï Jeobaeri testigueka uékasptiksï úni biaji ma enga kánikua jukaparhakua uérakuapka barku sapichu ma jimbo, paraksï niárani ireta sapichu ma jimbo enga 280 kʼuiripuechaksï irekapka jini Groenlandia. Jimaksï eianguaspti kʼuiripuechani Jeobaeri ambe, íntsaasptiksï trataduechani ka exeraasptiksï bideu ma enga jw.org jimbo jaka idioma groenlandesi jimbo. Uénasptiksï estudiu bíbliku ma temungurhiri ma jingoni, engaksï iásï estudiarijkia telefonu jimbo tsimani xanhari ma semana jimbo.

Peru ístu i ánchikuarhita no jimesïsïjku úkuarhispti. Nicaragua anapu Jeobaeri testiguecha, ístuksï niraspti etsakuni trataduni, selbecharu engaksï Caribe ísï jaka imani kʼuiripuechani engaksï mayangna uandajka. Engaksï na biajaripkia 20 ora autobusi ma jimbo enga iámu takusïpkia ka jimesïsï enga no sési jándipka, jimajkani xanharasptiksï 11 ora (ménisï xanharuecha jimbo enga kánikua atsïmu jatapka) paraksï úni niárani jima enga irenhapka. Iápuru jimesïsï enga irenhapka, etsakuasptiksï trataduechani ka exerasptiksï bideuechani mayangna jimbo, ambe ma enga kánikua ísku pakatapka ka engaksï kánikua tsitipka jimesï anapuecha.

Jini Brasil, Estela íntskuspti tratadu ma achatini ma enga ireta sapichu ma jimbo nitamani japka enga selba amazónica jaka. Achati jiókuarhispti peru no xarharasïrendi eska tsitisïrenga indeni ambe ka jini inchajtarhaspti. Níntani jámani achatiri lancha xerekuarhispti ka itsïrhu pakameni. Enga jamberi erokuarhini japka astaka nema jarhuatapiringa, arhintaspti trataduni. Úraspti imeri telefonuni para inchani pájinarhu jw.org, arhintaspti máru artikuluechani ka tátsekua késkuaspti máru bideuechani. Máru jurhiatikuechani tátsekua, mítispti Estelaeri uámbani ka arhispti eska diosmeiamukua arhipiringa témbani tratadu jimbo enga íntskupka. Ima uandaspti: “Artikuluechani engani arhiantapka, jarhuatasptirini para no xáni uandanhiani engani erokuarhini japka iorhekuarhu. Juchiti sapiichaksï kánikua tsitisïndi Kalebiri bideuechani. No méni jurajkuaka inchani pájinarhu jw.org.”