Exeni ambe enga jataka

Segundu menu jimbo nirani

Jeobaeri testiguecha

Purépecha

¿Andiksïsï uéjki jorhenguarhini bengalí uandani?

¿Andiksïsï uéjki jorhenguarhini bengalí uandani?

Nótki iónisïndi engaksï 23 Jeobaeri testiguecha nika kursurhu ma jini Queens (Nueva York) para jorhenguarhini uandani ka arhintani bengalí, idioma enga sánderu uandanhajka Bangladesh ka máru particharhu India. Ini kursu jimbo, jorhentpirichaksï —ístu Testiguecha— úrasptiksï mámaru ambe engaksï jarhuajpijka para sánderu sóntku jorhenguarhini.

I solu máechakuesti xáni uáni kursu idiomecheri engaksï Testiguecha íntspiajka Estados Unidos ka máteru paisicharhu. Ambe engaksï uéjka jindesti jarhuataani paraksï úni eianhpini Tata Diosïri Karakateri ambe máteru idiomecha jimbo.

Magaly, enga nirani japka kursurhu para jorhenguarhini bengalí, uandaspti: “Kʼuiripu enga bengalí uandajka ixuisï, sóntku uánixati. Uánikua kʼuiripuechaksï uékasïndi mítiani mókuntskuechani kurhamarhikuecheri engaksï jukaparhakueka, komueska andisï xáni kómu nitamakua jaki. Ka engani uénajka uandontskuarhikuani Tata Diosïri eiatsperakuecheri ambe, uékasïndiksï eskani eianguauaka sánderu ambe. Peru idioma ójkutakua máesti”.

Para jarhuataani estudiantichani sánderu sóntku jorhenguarhini, jorhentpirichaksï úrasïndi mámaru ambe para jorhendaani. Ejemplu ma, ma ambe jindesti, kuerpuni manatani para úni jorhenguarhini ka paraksï no sóntku mirikurhini.

Enga kʼamakuarhiengia klase ma, estudiantichaksï seguirisïrendi nirani pʼorhembiani kʼuiripuechani engaksï imani idiomani uandaenga, para úni uandontskuarhikuani Bibliaeri ambe. Ísïksï úsïrendi úrani ambe engaksï jorhenguarhipkia. Magaly uandaspti: “Kʼuiripu kánikua tsípisïndi engarini kurhajchajka imecheri idiomani uandani ka uékasïndiksï mítini andisïni jorhenguarhini jaki. Exeni eskani arhutaska tiempu parani jorhenguarhini imecheri idioma, jarhuatasïndi paraksï kurhanguni na enga xáni jukaparhakueka ambe engachi eianhpijka”.

Testiguechachi no solu ini járhati kursuechani jatsiaska para jorhenguarhini idiomechani, sino ístu para jorhentpiricha engaksï jorhendauaka. Estados Unidos anapu sukursaliri territoriurhu, de eneru de 2006 a eneru de 2012, íntspinhasptiksï 38 kursuecha nani engaksï 2,244 jorhentpiricha jorhendanhapka. Para 1 de septiembrini de 2012, úkuarhisptiksïa jukari 1,500 kursuecha 37 idiomecha jimbo Estados Unidos.